ايماقتار • 06 جەلتوقسان، 2021

الماتىدا ەڭ ۇزدىك digital-ۇستاز انىقتالدى

133 رەت كورسەتىلدى

تاۋەلسىزدىكتىڭ 30 جىلدىعىنا وراي مەكتەپتەردە وقىتۋ ءۇردىسىن تسيفرلاندىرۋدى دامىتۋ مەن قالانىڭ ۇزدىك digital-ۇستازدارىن انىقتاۋدى ماقسات ەتكەن Digital Ustaz Almaty بايقاۋى مارەسىنە جەتتى، دەپ حابارلايدى Egemen.kz.

ءبىلىم جانە عىلىم مينيسترلىگىنىڭ قولداۋىمەن الماتى قالاسىنىڭ اكىمدىگى، نۇرسۇلتان نازارباەۆتىڭ ءبىلىم قورى، EdCrunch Academy زاماناۋي ءبىلىم بەرۋ ينستيتۋتى جانە ۇيىمداستىرۋىمەن وتكەن بايقاۋدىڭ باس سەرىكتەسى – «الماتى كىتاپ باسپاسى»، رەسمي سەرىكتەسى «حالىق» قايىرىمدىلىق قورى بولىپ تابىلادى. 

بايقاۋ جەڭىمپازدارىن ماراپاتتاۋ سالتاناتىندا الماتى قالاسىنىڭ اكىمى باقىتجان ساعىنتاەۆ ۇزدىك ۇستازدارعا ساتتىلىك تىلەپ، ەلىمىزدىڭ ءبىلىم كەڭىستىگىندە بىلىكتى ماماندار ءرولىنىڭ جوعارى ەكەندىگىن اتاپ ءوتتى.

بايقاۋعا 2 مىڭنان استام مۇعالىم قاتىستى. بايقاۋ جاريالانعان كۇننەن باستاپ YouTube جەلىسىندە تەگىن ءبىلىم بەرۋ ۆەبينارلارى، الەۋمەتتىك جەلىلەردە پايدالى ءارى قىزىقتى ماتەريالدار جاريالاندى. العاشقى كەزەڭنەن وتكەن 105 ۇستاز كەلەسى كەزەكتەگى تاپسىرما – ساندىق قۇرالداردى قولدانا وتىرىپ ساباق ازىرلەۋ تاپسىرماسىن ورىندادى. بۇل كەزەڭنەن 30 مۇعالىم مۇدىرمەي ءوتتى. وسىلايشا 21-26 قاراشا ارالىعىندا جەڭىمپازدار ەلىمىزدەگى العاشقى ينتەنسيۆ لاگەرگە جولداما الدى.

التى كۇنگە سوزىلعان Ustaz Camp «وi-Qaragai Lesnaya Skazka» تاۋ كۋرورتىنىڭ اۋماعىندا ورنالاستى. بايقاۋدىڭ جارتىلاي فيناليستەرى تاجىريبەلەرىن ۇيلەستىرە وتىرىپ، بوس ۋاقىتتا تابيعاتتا دەمالىپ، جاڭا داعدىلاردى يگەرۋگە مۇمكىندىك الدى. لاگەر باعدارلاماسى 53 اكادەميالىق ساعاتتى قۇرادى. ونىڭ بارىسىندا 6 ساباق ءوتىپ، 7،5 ساعاتتى قۇرايتىن كەشكى ينتەراكتيۆتەرمەن تولىقتى. ساباقتار digital ءبىلىم بەرۋدىڭ وزەكتى تاقىرىپتارىنا ارنالعان. تەوريالىق، تاجىريبەلىك بولىمدەردىڭ مۇعالىمدەر ءۇشىن جاڭاشىلدىعى كوپ. سپيكەر رەتىندە قازاقستان مەن تمد ەلدەرىنەن 8 مامان وسى شاراعا قاتىسىپ، ولاردىڭ 5-ەۋى ءبىلىم بەرۋ جانە تسيفرلىق پەداگوگيكا سالاسىنداعى بىلىمدەرىمەن ءبولىستى.

Ustaz Camp قورىتىندىسى بويىنشا فينالعا شىققان 10 ۇستازعا ديپلومدار مەن باعالى سىيلىقتار تابىس ەتىلدى. ءى ورىندى تاريح ءپانىنىڭ مۇعالىمى، Galaxy International School گۋمانيتارلىق عىلىمدار كافەدراسىنىڭ مەڭگەرۋشىسى ساعىنعالي قاليەۆ جەڭىمپاز بولىپ تانىلدى. ول م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن 2011 جىلى «تاريح» ماماندىعى بويىنشا ۇزدىك بىتىرگەن. نازارباەۆ ۋنيۆەرسيتەتىنىڭ كاسىبي دامۋ باعدارلاماسىنىڭ (PDP) تىڭداۋشىسى، ل. گۋميلەۆ اتىنداعى ەۇۋ حالىقارالىق قاتىناستار ماگيسترى. نازارباەۆ زياتكەرلىك مەكتەپتەرىنە ارنالعان 9 جانە 10-سىنىپ دۇنيەجۇزىلىك تاريح وقۋلىقتارىنىڭ اۆتورى. International Baccalaureate Organization جانە Cambridge International Examinations – A-Levels حالىقارالىق ءبىلىم بەرۋ جۇيەلەرىنىڭ ەمتيحان قابىلداۋشى. ۇزدىك ۇستاز ەندىگى كەزەكتە لوندونعا بارىپ، اعىلشىن ءبىلىم بەرۋ ۇيىمدارىنىڭ بىرىندە تاجىريبە جيناقتاۋدى جوسپارلاپ وتىر.  ال ءىى ورىندى ء«بىلىم-يننوۆاتسيا» ليتسەيىنەن ەرلان نۇعمان مەن نۇربەك سەرىك ۇلى بولىسسە، ءىىى ورىندى  ەرلان كەرىمباي يەلەندى. 

بۇگىندە Digital Ustaz Almaty ۇزدىكتەرى وزىق ءبىلىمنىڭ ۇلگىسىنە اينالدى. وسى رەتتە ايتا كەتەتىن ماسەلە، قاتىسۋشىلاردىڭ 83،3 پايىزى مەملەكەتتىك مەكتەپتەردە جۇمىس ىستەيدى. بولاشاقتا ولار جيناعان بىلىمدەرىن مەكتەپتەردە قولدانىپ، تاجىريبەلەرىمەن بولىسەتىن بولادى.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار