ەكونوميكا • 06 جەلتوقسان، 2021

ۇلتتىق بانك بازالىق مولشەرلەمەنى وزگەرىسسىز قالدىردى

32 رەت كورسەتىلدى

ۇلتتىق بانك بازالىق مولشەرلەمەنى 9،75 پايىز دەڭگەيىندە قالدىرۋ تۋرالى شەشىم قابىلدادى، دەپ حابارلايدى Egemen.kz.

«قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى جونىندەگى كوميتەتى بازالىق مولشەرلەمەنى +/-1،00 پ.ت. پايىزدىق دالىزىمەن جىلدىق 9،75 پايىز دەڭگەيىندە بەلگىلەۋ تۋرالى شەشىم قابىلدادى. تيىسىنشە وتىمدىلىكتى ۇسىنۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە 10،75 پايىز، ال وتىمدىلىكتى الۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە 8،75 پايىز بولادى»، دەلىنگەن حابارلامادا.

جالپى ينفلياتسيا باياۋلاۋىنىڭ بايقالعان بەلگىلەرىن، سونداي-اق كوروناۆيرۋستىڭ جاڭا شتامى – وميكرونعا قاتىستى بەلگىسىزدىكتىڭ ارتۋىن جانە ونىڭ ينفلياتسيالىق پروتسەستەرگە، سىرتقى جانە ىشكى سۇرانىسقا اسەرىن ەسكەرە وتىرىپ شەشىم قابىلدانعانى ايتىلدى.

«سۇرانىستىڭ ۇسىنىس مۇمكىندىكتەرىنەن اسىپ ءوسۋى ناتيجەسىندە باعانىڭ ءوسۋىن تەجەۋ بويىنشا قابىلدانىپ جاتقان شارالارعا قاراماستان، كوپتەگەن ەلدەردە ينفلياتسيانى جەدەلدەتۋ ءۇردىسى ساقتالىپ وتىر. قىتايدان باسقا، نەگىزگى ساۋدا ارىپتەستەرىنە جاتاتىن ەلدەردە ينفلياتسيا تاريحي ەڭ جوعارى مولشەردە قالىپتاسادى. قازاقستاندا باعانىڭ ءوسۋى دە جوعارى دەڭگەيدە بولىپ تۇر. ازىق-ت ۇلىك ينفلياتسياسى مەن اقىلى قىزمەتتەر ينفلياتسياسىنىڭ ءبىرشاما باياۋلاۋى ازىق-ت ۇلىككە جاتپايتىن تاۋارلار باعاسىنىڭ وسۋىمەن وتەلدى. حالىقتىڭ جوعارى ينفلياتسيالىق كۇتۋلەرى قولدا بار ينفلياتسيالىق ايانى كۇشەيتەدى. شيكىزات نارىقتارىنداعى سالىستىرمالى تۇردە جوعارى باعالار مەن كارانتين شەكتەۋلەرىن جەڭىلدەتۋ اياسىندا ىشكى ەكونوميكا بەلسەندى تۇردە قالپىنا كەلە جاتىر»، دەلىنگەن ۇلتتىق بانك تاراتقان حابارلامادا.

ۇب مالىمەتىنشە، الەمدىك ەكونوميكاداعى پروينفلياتسيالىق پروتسەستەر ءوسىپ كەلەدى. بۇل كارانتين شارالارىنىڭ السىرەۋىمەن، جيناقتالعان جيناقتاردىڭ كوپتىگىمەن، سونداي-اق كەيىنگە قالدىرىلعان سۇرانىستىڭ ىسكە اسىرىلۋىمەن ىنتالاندىرىلاتىن جاھاندىق تۇتىنۋشىلىق سۇرانىستىڭ تەز قالپىنا كەلۋىنە بايلانىستى بولىپ وتىر. ۇسىنىستىڭ ءوسۋى ءالى دە جەتكىزۋگە بايلانىستى ماسەلەلەردىڭ بولۋىنا جانە ماتەريالدار تاپشىلىعىنا بايلانىستى تەز ءوسىپ وتىراتىن سۇرانىسقا جول بەرىپ وتىر.

سىرتقى فاكتورلاردىڭ ىشىندە تەڭىز پورتتارىنداعى جاعدايدىڭ جاقسارعانىنا قاراماستان، ءالى دە كوۆيدكە دەيىنگى دەڭگەيدەن الشاق بولىپ وتىرعان ەنەرگيا باعاسىنىڭ ءوسۋىن جانە جاھاندىق جەتكىزۋ قاتارىنىڭ بۇزىلۋىن اتاپ وتكەن ءجون. 2021 جىلعى قاراشادا Baltic Dry Index قازانداعى ەڭ جوعارى دەڭگەيدەن تومەندەدى. الايدا، بۇل 2020 جىلعى مامىرداعى دەڭگەيدەن 6 ەسە جوعارى. جاھاندىق ينفلياتسيانىڭ جىلدامداۋىنا قىمباتتاپ وتىرعان ازىق-ت ۇلىك باعاسى دا قوسىمشا ۇلەس قوسادى، بۇل ۇسىنىستىڭ تومەندەۋىنە، ەكسپورتتاۋشى ەلدەردەگى اۋا رايىنىڭ ناشارلاۋىنا، سونداي-اق فراحت باعاسىنىڭ وسۋىنە بايلانىستى. فاو ازىق-ت ۇلىك باعالارىنىڭ يندەكسى قاراشادا ءبىر ايلىق ماندە 1،2 پايىزعا ءوسىپ، 2011 جىلعى ماۋسىمنان باستاپ ەڭ جوعارى دەڭگەيگە جەتتى.

«وسى فاكتورلاردىڭ بارلىعى الەمدەگى، ونىڭ ىشىندە قازاقستاننىڭ ساۋدا ارىپتەستەرىندەگى ينفلياتسيانىڭ ودان ءارى جىلدامداۋىنا الىپ كەلەدى. ەو مەن رەسەيدەگى ينفلياتسيا 2021 جىلعى قازاندا تيىسىنشە 4،4 پايىز جانە 8،1 پايىز قۇراپ، تاريحي ەڭ جوعارى دەڭگەيدە بولىپ وتىر»،  دەلىنگەن ۇلتتىق بانك سايتىندا.

سىرتقى سەكتور تاراپىنان ينفلياتسياعا قارسى قىسىم ىشكى باعالاردىڭ وسۋىندە كورىنىس تابادى. 2021 جىلعى قاراشانىڭ قورىتىندىسى بويىنشا قازاقستانداعى جىلدىق ينفلياتسيا ازداپ باياۋلاپ، بيىلعى جىلعى قازانداعى 8،9 پايىز-بەن سالىستىرعاندا 8،7 پايىز بولدى. بۇل سەرپىن ازىق-ت ۇلىك تاۋارلارى باعاسىنىڭ 11،3 پايىزدان 10،9 پايىزعا دەيىن جانە اقىلى قىزمەتتەر باعاسىنىڭ 6،9 پايىزدان 6،4 پايىزعا دەيىن ءوسۋىنىڭ باياۋلاۋىنا بايلانىستى بولدى. ازىق-ت ۇلىك قۇرامداس بولىگى ءوسۋىنىڭ قازىرگى باياۋلاۋىنا ءبىر ايداعى سەرپىننىڭ تۇراقتانۋى جانە وتكەن جىلدىڭ جوعارى بازاسى جاعدايىندا مايلار مەن توڭ مايلار، قانت جانە جۇمىرتقا دەزينفلياتسياسى ايتارلىقتاي ۇلەس قوستى. بۇل رەتتە 2021 جىلعى قاراشادا نان-توقاش ونىمدەرى مەن جارما، ەت ونىمدەرى باعاسىنىڭ ءوسۋى جالعاستى، بۇل وندىرۋشىلەر شىعىندارىنىڭ ۇلعايۋىنا، ءداندى داقىلداردى جالپى جيناۋدىڭ تومەندەۋىنە بايلانىستى.

2021 جىلعى قاراشادا جانار-جاعار ماي، قاتتى وتىن باعاسى ءوسۋىنىڭ جالعاسۋى ناتيجەسىندە جىلدىق ازىق-ت ۇلىككە جاتپايتىن ينفلياتسيا 7،8 پايىزدان 8،3 پايىزعا دەيىن جەدەلدەدى. جانار-جاعار مايدىڭ تۇتىنۋ باعاسىنىڭ جىلدىق ءوسۋى 22،3 پايىز (ايلىق ءوسۋ – 4،3 پايىز) بولدى: بەنزين قۇنى 18،4 پايىزعا (2،4 پايىز)، ديزەل وتىنى – 46،6 پايىزعا (14،6 پايىز) ءوستى. وتىننىڭ قىمباتتاۋى وندىرۋشىلەر باعاسىنىڭ ءوسۋى جاعدايىندا ورىن الىپ وتىر.

اقىلى قىزمەتتەر باعاسىنىڭ جىلدىق ءوسۋ قارقىنى 2021 جىلعى قاراشادا 6،4 پايىز عا دەيىن باياۋلادى. بۇل كوممۋنالدىق رەتتەلەتىن قىزمەتتەر، قوعامدىق تاماقتانۋ قىزمەتتەرى، شاشتارازدار مەن جەكە قىزمەت كورسەتۋ ورىندارى باعاسى ءوسۋىنىڭ باياۋلاۋىنا بايلانىستى. سونىمەن قاتار تۇرعىن ءۇيدى جالعا الۋ تاريفتەرىنىڭ ءوسۋى جەدەلدەدى.

ۇلتتىق بانكتىڭ باعالاۋى بويىنشا، سوڭعى ايلاردا ماۋسىمدىق تازارتىلعان اننۋاليزاتسيالانعان تۇتىنۋ باعالارىنىڭ ءوسىمى 2021 جىلعى قاراشادا 5،6 پايىز بولىپ (قازاندا – 7،1 پايىز)، ماۋسىمداعى ەڭ جوعارى دەڭگەيدەن باياۋلاۋدى كورسەتۋدە. اننۋاليزاتسيالانعان بازالىق ينفلياتسيانى ايلىق باعالاۋ ينفلياتسيالىق پروتسەستەردىڭ 4-6 پايىز-دىق نىسانالى ءدالىز شەگىندە قاتارىنان ەكىنشى اي قالىپتاسۋىن بىلدىرەدى. ورنىقتى قۇرامداس بولىكتەر سەرپىنى 2021 جىلعى جەلتوقساندا جانە 2022 جىلى نىسانالى ءدالىز شەگىندە قالاي تۇراقتاناتىنى ماڭىزدى. وسى ورايدا تۇراقسىز جانە جوعارى ينفلياتسيالىق كۇتۋلەر كەزىندە وسى سەرپىننىڭ تۇراقتىلىعىنا قاتىستى جوعارى بەلگىسىزدىك بار.

«حالىقتىڭ ينفلياتسيالىق كۇتۋلەرى باعالارعا قوسىمشا قىسىم كورسەتە وتىرىپ، ارتتى. ينفلياتسيانى ءبىر جىل بۇرىن ساندىق باعالاۋ 2021 جىلعى قاراشادا 10،8 پايىزعا جەتتى. رەسپوندەنتتەردىڭ 35 پايىز-ى كەلەسى 12 ايدا باعانىڭ ءوسۋى جەدەلدەۋىن كۇتۋدە، بۇل باقىلاۋ كەزىندەگى ەڭ جوعارى ءمان بولدى. سوڭعى ايلاردا ينفلياتسيانى باقىلاۋ دا جوعارى دەڭگەيدە ساقتالۋدا.

ەكونوميكالىق بەلسەندىلىك سەرپىنى جەدەل قارقىنمەن قالپىنا كەلە وتىرىپ، الدىڭعى بولجامدى راۋندتىڭ وپتيميستىك ستسەناريىنە سايكەس قالىپتاسۋدا. بۇل شيكىزات نارىقتارىنداعى جوعارى الەمدىك باعالار مەن كارانتين شەكتەۋلەرىن جەڭىلدەتۋ اياسىندا ورىن الۋدا. قازاقستاندا وسى كەزەڭدە مۇناي باعاسى ءبىر باررەل ءۇشىن 69،3 اقش دوللارى بولعان كەزدە 2021 جىلعى قاڭتار-قازاندا ءىجو-ءنىڭ ء وسىمى 3،5 پايىز بولدى. تاۋ-كەن جانە وڭدەۋ ونەركاسىبى، ساۋدا، قۇرىلىس، اقپارات جانە بايلانىس، كولىك جانە مەملەكەتتىك سەكتور وڭ ۇلەس قوستى. 2021 جىلعى 10 ايدىڭ قورىتىندىسى بويىنشا ءوندىرىستىڭ قىسقارعانىن كورسەتكەن اۋىل شارۋاشىلىعى ەكونوميكانىڭ وسۋىنە تەجەۋشى اسەر ەتۋدە. ءداندى داقىلداردىڭ جالپى ءتۇسىمىنىڭ تومەندەۋى بۇل سەرپىننىڭ نەگىزگى سەبەبى بولدى»، دەيدى ماماندار.

ءۇي شارۋاشىلىقتارىنىڭ ناقتى سۇرانىسىن قالپىنا كەلتىرۋ پروتسەسى ەكونوميكالىق بەلسەندىلىككە قولداۋ كورسەتەدى. 2021 جىلعى ەكىنشى توقساندا ازىق-ت ۇلىككە جاتپايتىن تاۋارلار مەن قىزمەتتەرگە كەيىنگە قالدىرىلعان سۇرانىستى ىسكە اسىرۋ جاعدايىندا ءۇي شارۋاشىلىقتارىن تۇتىنۋ 8،1 پايىزعا ءوستى. سۇرانىس قاتاڭ كارانتيندىك شارالارمەن شەكتەلىپ، قۇلدىراۋ شامامەن 16 پايىز بولعان 2020 جىلعى ەكىنشى توقسانداعى ستاتيستيكالىق بازانىڭ اسەرى حالىق سۇرانىسىنىڭ وسىنداي ءوسۋىنىڭ قوسىمشا فاكتورى بولىپ تابىلادى. بولشەك تاۋار اينالىمىنىڭ اعىمداعى كەڭەيۋى (2021 جىلعى 10 ايدا 6،1 پايىز) جانە حالىقتىڭ ناقتى كىرىستەرىنىڭ ارتۋى (2021 جىلعى ءۇشىنشى توقساندا 5،8 پايىز) سۇرانىستىڭ جالعاسىپ وتىرعان وڭ سەرپىنىنىڭ ينديكاتورى بولىپ وتىر. بۇل رەتتە 2021 جىلعى شىلدەنىڭ اياعىندا جانە قىركۇيەكتىڭ باسىندا بايقالعان COVID-19 تارالۋىنىڭ ارا-تۇرا ءورشۋى سۇرانىستىڭ تولىققاندى قالپىنا كەلۋىن شەكتەۋدى جالعاستىرۋدا.

الەمدىك مۇناي نارىعىندا باعانىڭ ۇزاق ۋاقىت وسۋىنەن كەيىن بەلگىلى ءبىر تۇزەتۋ بايقالادى. كوروناۆيرۋستىڭ جاڭا شتاممىنىڭ تارالۋىنا بايلانىستى قاراشانىڭ اياعى مەن جەلتوقساننىڭ باسىندا باعالار ءبىر باررەل ءۇشىن 65-66 اقش دوللارىنا دەيىن تومەندەدى. نارىقتاعى قۇبىلمالىلىقتىڭ وسۋىنە اسەر ەتەتىن قانداي دا ءبىر وقيعالاردىڭ پايدا بولۋىنا قاراماستان، تاۋەكەلدەر بالانسى ناشارلاۋ جاعىنا اۋىسقان جوق. وپەك+ بيىلعى جىلعى 2 جەلتوقساندا وتكەن وتىرىسىندا ءوندىرۋدى تاۋلىگىنە 400 مىڭ باررەلگە جوسپارلى تۇردە ۇلعايتۋدى كوزدەيتىن مامىلەنىڭ اعىمداعى ولشەمدەرىن ساقتاۋ تۋرالى شەشىم قابىلدادى.

«ۇلتتىق بانك كەلەسى شەشىمىن ينفلياتسيالىق كۇتۋلەردىڭ سەرپىنىن، ينفلياتسيانىڭ ورنىقتى قۇرامداس بولىكتەرىن، سونداي-اق ەپيدەميولوگيالىق احۋالدىڭ سىرتقى جانە ىشكى سۇرانىسقا اسەرىن ەسكەرە وتىرىپ قابىلدايدى. كۇتۋلەردىڭ، ينفلياتسيانىڭ جانە ونىڭ ورنىقتى قۇرامداس بولىكتەرىنىڭ تۇراقسىز باياۋلاۋى كەزىندە ۇلتتىق بانك مونەتارلىق تالاپتاردى بارىنشا كۇشەيتۋدى جالعاستىرادى.

قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى جونىندەگى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 2022 جىلعى 24 قاڭتاردا نۇر-سۇلتان ۋاقىتى بويىنشا 15:00-دە جاريالانادى»، دەلىنگەن حابارلامادا.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار