ايماقتار • 06 جەلتوقسان، 2021

شىمكەنتتە ازىق-ت ۇلىك تاپشىلىعى جوق

شىمكەنتتە قالا اكىمىنىڭ تاپسىرماسى بويىنشا ۇكىمەت قاۋلىسىمەن بەكىتىلگەن 19 الەۋمەتتىك ماڭىزى بار ازىق-ت ۇلىك تاۋارلارىنا مونيتورينگ تۇراقتى تۇردە جۇرگىزىلۋدە. شىمكەنت - وڭىرلەر اراسىندا باعا ءوسىمى بويىنشا 6–8 ورىن ارالىعىندا. جالپى قالادا ازىق-ت ۇلىك تاۋارلارىنىڭ تاپشىلىعى جوق، دەپ حابارلايدى Egemen.kz شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

جانبولات كەنجەعۇل

بۇگىندە بىرقاتار الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى ءوندىرۋشىنىڭ وزىندىك قۇنىنىڭ ارتۋىمەن جانە وندىرىستە پايدالاناتىن شيكىزات باعاسىنىڭ وسۋىنە بايلانىستى قىمباتتاعان بولاتىن. ماسەلەن قىرىققابات –2 تگ/كگ (116-تەن 118 تگ/كگ دەيىن)، روجكي –3 تگ/كگ (190-نان 193 تگ/كگ دەيىن)، قۇمشەكەر –2 تگ/كگ (297-دەن 299 تگ/كگ دەيىن)، ءبىرىنشى سۇرىپتى ۇن –1 تگ/كگ (168-دەن 169 تگ/كگ دەيىن) ءوستى.

وڭىرلىك تۇراقتاندىرۋ قورىنا جەرگىلىكتى بيۋدجەت ەسەبىنەن جالپى 5،7 ملرد تەڭگە ءبولىنىپ، ءىرى ساۋدا جەلىلەرىنە، جەرگىلىكتى تاۋار وندىرۋشىلەرىنە جانە بيزنەس سۋبەكتىلەرگە 5،4 ملرد تەڭگەگە اينالىمعا قارىز قاراجات بەرىلىپ، كەلىسىمشارتتار جاسالدى. ءىرى ساۋدا جەلىلەرىنىڭ قاتارىندا «گراماد»، «فيركان»، «Magnum Cash&Carry» جەلىلەرى بار.

كاسىپكەرلىك سۋبەكتىلەرىمەن تۇزىلگەن كەلىسىمشارتتار نەگىزىندە، الەۋمەتتىك ماڭىزى بار ازىق-ت ۇلىك تاۋارلارى بەلگىلەنگەن باعادا ساتىلىپ، قالا تۇرعىندارى ءبىرىنشى قاجەتتى ازىق-ت ۇلىك تاۋارلارىن قالا اۋماعىندا ورنالاسقان ساۋدا نىساندارىنان نارىق باعاسىنان تومەن باعادا تۇتىنۋدا.

باعانى تۇراقتاندىرۋ ماقساتىندا:

- 3 جەردەن جىلجىمالى الەۋمەتتىك نۇكتەلەرى;

- اپتا سايىن ازىق-ت ۇلىك جارمەڭكەلەرى;

- الەۋمەتتىك دۇكەن;

- ءىرى ساۋدا جەلىلەرى، ازىق-ت ۇلىك بازارلارى جانە جەرگىلىكتى تاۋار وندىرۋشىلەرىمەن ازىق-ت ۇلىك تاۋارلارىنىڭ باعاسىن نەگىزسىز وسىرمەۋ جونىندە ەكى جاقتى ورتاق 14 مەموراندۋمعا قول قويىلدى;

- دەلدالدىق سحەمالاردى قاراۋ جونىندە ارنايى كوميسسيا قۇرىلدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز