«4 جەلتوقسان كۇنى ءتۇس قايتا جول قوزعالىسى قاۋىپسىزدىگىن قامتاماسىز ەتۋ بارىسىندا قازىعۇرت اپب پاترۋلدىك پوليتسيا قىزمەتكەرلەرى كامەلەتكە تولماعان بالا جۇرگىزىپ بارا جاتقان «ۆاز-21214» ماركالى اۆتوكولىكتى بايقاعان.
پوليتسەيلەردىڭ توقتاۋ تۋرالى پارمەنىنە بالا باعىباعان. ول باعدارشامنىڭ قىزىل تۇسىنە قاراماي ءوتىپ كەتىپ, قارسى باعىتتا كەلە جاتقان كولىكتەردى باسىپ وزىپ, وقيعا ورنىنان بوي تاسالاۋعا تىرىسقان. پوليتسيا جول ەرەجەسىن بۇزۋشىعا كولىكتى دەرەۋ توقتاتۋدى بۇيىردى. الايدا جۇرگىزۋشى پوليتسيا قىزمەتكەرلەرىنەن قاشىپ كەتىپ, كولىكتى جوعارى جىلدامدىقپەن جۇرگىزىپ كەلە جاتىپ, تەمىر قورشاۋعا سوعىسىپ, سالدارىنان جول-كولىك وقيعاسى ورىن الدى», دەلىنگەن وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.
جول-كولىك وقيعاسى سالدارىنان كامەلەتكە تولماعان ءجاسوسپىرىم قازىعۇرت اۋداندىق اۋرۋحاناسىنا دەنە جاراقاتىمەن جەتكىزىلدى.
تەكسەرۋ بارىسىندا رۋلىندە بالا وتىرعان «ۆاز-21214» ماركالى اۆتوكولىك قازىعۇرت اۋدانىنداعى جشس-ءنىڭ بىرىنە تيەسىلى ەكەنى انىقتالدى. كولىكتى ءجاسوسپىرىمنىڭ اكەسى جۇمىسىنىڭ ماڭىنداعى تۇراققا قويعان. بىراق بالاسى كولىكتى رۇقساتسىز ۇرلاپ كەتكەن.
بۇگىنگى تاڭدا قر قك 200-بابىنىڭ 1-بولىگى ء«اۆتوموبيلدى نەمەسە وزگە دە كولىك قۇرالدارىن ۇرلاۋ ماقساتىنسىز زاڭسىز يەلەنۋ» بويىنشا سوتقا دەيىنگى تەرگەۋ جۇرگىزىلۋدە. اۆتوكولىك ايىپپۇل تۇراعىنا جەتكىزىلگەن.
