بۇل تۋرالى بەلارۋس پرەزيدەنتى اكىمشىلىگى باسشىسىنىڭ ورىنباسارى دميتري كرۋتوي مالىمدەمە جاسادى.
«ەۋروپالىق وداقتىڭ ارمانى سول ما؟ سانكتسيالار قىسىمى مەن ءتيىستى تىزىمدەگى كاسىپورىندار بويىنشا تالداۋدى ەسكەرە وتىرىپ, ەۋروپاعا جەتكىزۋ ماتريتساسى جاسالدى. سانكتسيالارعا ۇشىراماعان تاۋارلار مەن قىزمەتتەر بويىنشا ەشقانداي قۇلدىراۋ جوسپارلانبايدى جانە قازىر ەكسپورتتىق وتىنىمدەرمەن قامتاماسىز ەتۋ كەلەسى جىلعا شامامەن 50% - دى قۇرايدى.
سانكتسيالار تىزىمىندە تۇرعان توپ بويىنشا ساراپشىلاردىڭ پىكىرىنشە, بۇل جىلىنا شامامەن 250-300 ميلليون دوللار شىعىنعا اكەلەدى. بۇل ەڭ الدىمەن ەنەرگەتيكالىق جانە مۇناي-حيميا توبى ەكەنى راس», دەدى كرۋتوي «بەلارۋس 1» تەلەارناسىنا بەرگەن سۇحباتىندا.
