الەم • 04 جەلتوقسان، 2021

يراك بيلىگى بوسقىنداردى ۇشاقپەن الىپ كەتتى

39 رەت كورسەتىلدى

Iraqi Airways اۋەكومپانياسى بەلارۋسسيادان 420-عا جۋىق يراكتىڭ ميگرانتىن ءوز وتانىنا جەتكىزدى، دەپ حابارلايدى Egemen.kz.

بۇگىن يراكتىڭ ۇشاعى مينسك اۋەجايىنان ەربيلگە ۇشىپ كەتتى.

«بۇگىن Iraqi Airways اۋەاكومپانياسىنىڭ مينسك-ەربيل باعىتىنداعى رەيسى 419 جولاۋشىنى تىركەدى. ولاردىڭ قاتارىندا 415 ەرەسەك ادام جانە 2 جاسقا دەيىنگى 4 بالا بار»، دەپ حابارلادى مينسكىدەگى اۋەجايدىڭ ءباسپاسوز قىزمەتى.

قاراشا ايىندا بەلارۋسسيا مەن پولشا شەكاراسىندا ميگرانتتار توبى جينالدى. ولاردىڭ دەنى نەگىزىنەن كۇردتەر بولدى. بوسقىنداردىڭ سانى شامامەن 2 مىڭنان اسقان.

بوسقىندار پولشامەن شەكاراداعى «برۋزگي» وتكىزۋ پۋنكتىنەن پولشاعا وتۋگە تىرىستى، بىراق پولياك قاۋىپسىزدىك كۇشتەرى بۇل ارەكەتتى ارنايى قۇرالداردىڭ كومەگىمەن توقتاتتى. بەلارۋسسيا بيلىگى ميگرانتتاردى وسىندا قالدىرۋ ءۇشىن شەكارا ماڭىنداعى وتكىزۋ پۋنكتىنە جاقىن جەردە ورنالاسقان كولىك-لوگيستيكالىق ورتالىقتى دايىندادى.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار