ايماقتار • 04 جەلتوقسان، 2021

تۇركى الەمىندەگى ىنتىماقتاستىق ماسەلەلەرىنە ارنالعان جيىن ءوتتى

81 رەت كورسەتىلدى

تۇركى اكادەمياسىنىڭ ۇيىمداستىرۋىمەن ۇلتتىق عىلىم اكادەمياسىندا وتكەن القالى جيىن تۇركى الەمىندەگى ىنتىماقتاستىق ماسەلەلەرىنە ارنالدى، دەپ حابارلايدى Egemen.kz.

بۇگىندە قازاقستاننىڭ دامۋىندا تۇركىتىلدەس مەملەكەتتەردىڭ ىنتىماقتاستىق كەڭەسىنىڭ ءرولى جوعارى. القالى جيىن بارىسىندا ەۋرازيانىڭ  مادەني جانە زياتكەرلىك ورتالىعى بولىپ تابىلاتىن قازاقستاننىڭ تۇركى ەلدەرىمەن ىقپالداستىعىندا تۇڭعىش پرەزيدەنت – ەلباسى يدەيالارىنىڭ ماڭىزى ايرىقشا ەكەندىگى ايتىلدى. ەلباسى باستاماشى بولعان تۇركى ينتەگراتسياسى ماسەلەلەرى بۇگىندە پرەزيدەنت قاسىم-جومارت توقاەۆتىڭ باسشىلىعىمەن جالعاسىن تاۋىپ كەلەدى.  

جيىندى حالىقارالىق تۇركى اكادەمياسىنىڭ پرەزيدەنتى دارحان قىدىرالى جۇرگىزىپ، تۇركى كەڭەسى قۇرىلعاننان بەرگى ارالىقتا تۇركى الەمىنىڭ قۇندىلىقتارى مەن مۇددەلەرىن وڭىرلىك جانە حالىقارالىق ارەنادا ودان ءارى ىلگەرىلەتۋ ماسەلەلەرى جەمىسىن بەرىپ كەلە جاتقاندىعىن اتاپ ءوتتى.

بۇگىندە تۇركى حالىقتارىنىڭ يگىلىگى جولىندا تۇراقتىلىق، قاۋىپسىزدىك پەن كوپجاقتى ەكونوميكالىق ىنتىماقتاستىقتىڭ ماڭىزى كۇن سايىن ارتىپ كەلەدى. وسى ورايدا تۇڭعىش پرەزيدەنت – ەلباسىنىڭ باستاماسىمەن وركەندەپ، دامىپ كەلە جاتقان تۇركى الەمىنىڭ رۋحاني استاناسى – تۇركىستان قالاسىنىڭ بۇگىنگى دامۋ قارقىنى، حالىقارالىق ءبىلىم كەڭىستىگىندە قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ەلىمىز عانا ەمەس، الەمدىك ءبىلىم مەن عىلىم كەڭىستىگىندەگى رولىنە ايرىقشا نازار اۋدارىلدى.

جيىن بارىسىندا تۇركى ىنتىماقتاستىعىنا قوسقان ۇلەسى ءۇشىن اكادەميك، حيميا عىلىمدارىنىڭ دوكتورى، پرو­فەسسور، ۇعا پرەزيدەنتى مۇرات جۇرىنوۆقا تۇركى اكادەمياسىنىڭ التىن مەدالى تابىس ەتىلدى.

باسقوسۋعا قاتىسقان ۇعا پرەزيديۋم مۇشەلەرى، عىلىمي-زەرتتەۋ ينستيتۋتتارىنىڭ ديرەكتورلارى مەن جوعارى وقۋ ورىندارىنىڭ رەكتورلارى، عالىمدار تۇركى الەمىندەگى ينتەگراتسيا، عىلىم مەن ءبىلىمدى دامىتۋعا قاتىستى ويلارىن ورتاعا سالدى.

الماتى

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار