ساياسات • 04 جەلتوقسان، 2021

شاۆكات ميرزيەيوۆ: وزبەك - قازاق قاتىناسىنىڭ نىعايۋىنا نۇرسۇلتان نازارباەۆتىڭ سىڭىرگەن ەڭبەگى زور

59 رەت كورسەتىلدى

مەملەكەت باسشىسى قاسىم-جومارت توقاەۆتىڭ شاقىرتۋىمەن 5-6 جەلتوقسان ارالىعىندا ەلىمىزگە وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ رەسمي ساپارمەن كەلەدى. ساپار الدىندا كورشى ەل پرەزيدەنتى «Egemen Qazaqstan» گازەتىنە ارنايى سۇحبات بەرىپ، وزبەكستاننىڭ الداعى دامۋ ستراتەگياسى، ونداعى قازاقستاننىڭ ورنى تۋرالى ايتتى، دەپ جازادى Egemen.kz.

وزبەكستان رەسپۋبليكاسىن دامىتۋ ماقساتىندا ارنايى دەموكراتيالىق رەفورمالار جۇزەگە اسىرىلۋدا. ماقساتتى ستراتەگيالار ازىرلەنىپ، جاڭا وزبەكستاندى نىعايتۋ اياسىندا ناقتى جوسپار قۇرىلعان. مۇنداي قارقىندى قادامداردى جۇزەگە اسىرۋعا كورشى ەل كوشباسشىسى پرەزيدەنتتىككە قادام باسقان العاشقى كۇننەن كىرىسكەنىن جەتكىزدى. 

«ءبىز ۇلتتىق ەكونوميكانىڭ ءوسۋ قارقى­نىن ارتتىرۋ، جەكە سەكتوردى ىنتالاندىرۋ جانە ونىڭ ۇلەسىن ارتتىرۋ ارقىلى  ەكونوميكانىڭ قۇرىلىمىندا جان باسىنا شاققانداعى ىشكى جالپى ءونىمنىڭ تۇراقتى ءوسۋىن قامتاماسىز ەتەمىز، سونداي-اق تىكەلەي شەتەلدىك ينۆەستيتسيالاردى تارتۋ ارقىلى 2030 جىلعا قاراي وزبەكستان جان باسىنا شاققانداعى تابىسى ورتاشا دەڭگەيدەن جوعارى بىرقاتار مەملەكەتتىڭ قاتارىنا كىرە الادى. بۇل رەتتە ەلىمىزدە تىنىشتىق پەن قاۋىپسىزدىكتى قامتاماسىز ەتۋ، زاڭنىڭ ۇستەمدىگى، ءادىل الەۋمەتتىك ساياساتتى جۇزەگە اسىرۋ، سونداي-اق رۋحاني-ءبىلىم سالاسىنداعى رە­فور­مالاردى كۇشەيتۋدەگى جۇمى­سىمىزدىڭ باستى ولشەمى «جاڭا وزبەكستان – اعارتۋشى قوعام» كونتسەپتسياسى بولىپ قالا بەرمەك.

ء«ىس-قيمىل ستراتەگياسىنان – دامۋ ستراتەگياسىنا» يدەياسىن ىسكە اسىرۋ شەڭبەرىندە ء بىز ورتالىق ازيا ايماعىندا ءوزا­را تۇسىنىستىك پەن قۇرمەت، تا­تۋ كور­شىلىك پەن ستراتەگيالىق ارىپ­تەستىك اتموسفەراسىن نىعايتۋ باعىتىن جالعاستىرۋ نيەتىندەمىز. بۇل ماقساتتارعا قول جەتكىزۋ ەڭ جا­قىن كورشىلەرىمىز – ور­تا­لىق ازيا مەملەكەتتەرىمەن ءوزارا ءىس-قي­مىلسىز مۇمكىن ەمەس ەكەنى ءسوزسىز»، دەدى شاۆكات ميرزيوەۆ.

سونداي-اق، ول وزبەك-قازاق قاتىناسىنىڭ بەرىك بەكۋىندە ەلباسى نۇرسۇلتان نازارباەۆتىڭ ءرولىن ەرەكشە اتاپ ءوتتى. 

«قازاقستان بۇل قاتاردا وتە ماڭىزدى ورىن الادى، بايىپتى ساياسي، قارجىلىق، ەكونوميكالىق، دەمو­گرافيالىق الەۋەتكە يە، سونىمەن قاتار ورتالىق ازيا مەملەكەتتەرى مەن حالىقتارىن جاقىنداستىرۋعا مۇددەلى.

وسى تاريحي ۇدەرىستەردە زاما­­نى­­مىزدىڭ ءىرى مەملەكەت جانە ساياسي قايراتكەرى، قازاق­ستان­نىڭ تۇڭعىش پرەزيدەنتى – ەل­باسى نۇرسۇلتان ءابىش ۇلى نازار­باەۆتىڭ سىڭىرگەن ەڭبەگى زور ەكەنىن ەرەكشە اتاپ وتكىم كەلەدى»، دەدى ول.

وزبەكستان پرەزيدەنتىنىڭ پىكىرى مەن ۇستانىمدارى، وزگە دە ويىمەن «وزبەكستان پرەزيدەنتى شاۆكات ميرزيوەۆ: جارقىن بولاشاقتى بىرگە قۇرامىز» سۇحباتىندا تولىق تانىسا الاسىز.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار