تاۋەلسىزدىكتىڭ 30 جىلدىعى • 03 جەلتوقسان، 2021

تاۋەلسىزدىكتىڭ 30 جىلدىعى: «قايىرىمدى ىستەر مارافونى» قورىتىندىلاندى

53 رەت كورسەتىلدى

بۇگىن، پاۆلوداردا وتكەن «قايىرىمدى ىستەر مارافونىنىڭ» قورىتىندىسىنا ارنالعان سالتاناتتى شارادا قر اقپارات جانە قوعامدىق دامۋ ءمينيسترى ايدا بالاەۆا قازاقستان پرەزيدەنتى قاسىم-جومارت توقاەۆتىڭ جالپىۇلتتىق ءىس-شاراعا بەلسەندى قاتىسقان ازاماتتارعا ۇندەۋىن وقىپ بەردى، دەپ حابارلايدى Egemen.kz.

«بۇل – حالقىمىزدىڭ اسىل قاسيەتتەرىن دارىپتەپ، كوپشىلىكتى جاقسىلىق جاساۋعا جۇمىلدىراتىن جالپىۇلتتىق جوبا. مەرەيلى جىلدا ەلىمىزدە قوعامدىق ماڭىزى بار ناقتى جۇمىستار اتقارىلۋدا. وسى مارافون – سونىڭ جارقىن مىسالى. ۆولونتەر جىلىنداعى يگىلىكتى ىستەر جالعاسىن تاۋىپ، داستۇرگە اينالعانىن كورسەتەدى. شىن مانىندە، قيىندىققا تاپ بولعان ادامعا قامقورلىق جاساۋ – قانىمىزدا بار قاسيەت»، دەلىنگەن مەملەكەت باسشىسىنىڭ ۇندەۋىندە.

سالتاناتتى شاراعا قر اقپارات جانە قوعامدىق دامۋ ءمينيسترى ايدا بالاەۆا، پاۆلودار وبلىسىنىڭ اكىمى ابىلقايىر سقاقوۆ، پارلامەنت دەپۋتاتتارى، ورتالىق جانە جەرگىلىكتى اتقارۋشى ورگانداردىڭ، وڭىرلىك جانە رەسپۋبليكالىق ۇەۇ وكىلدەرى، حالىقارالىق ۇيىمداردىڭ وكىلدەرى، ساراپشىلار قاۋىمداستىعى مەن باق قاتىستى.ڭ

«مارافونعا 1200 ۇەۇ مەن ۆولونتەرلىك ۇيىم، 300-دەن استام ءبىلىم بەرۋ ۇيىمى، 360 ۇجىم مەن كاسىپوداق قاتىستى. ۇجىمدار مەن كوممەرتسيالىق ۇيىمداردىڭ قايىرىمدىلىققا جىبەرگەن جالپى سوماسى 6،2 ملرد تەڭگەنى قۇرادى»، دەدى ا.بالاەۆا ءوز سوزىندە.


مينيستر پرەزيدەنتتىڭ باستاماسىن قولداۋ ىسىندە ەرەكشەلەنگەن جانە وزگەلەرگە ايرىقشا ۇلگى بولعان وڭىرلەردى اتاپ ءوتتى.

«بارلىق كورسەتكىشتەر بويىنشا بۇل: پاۆلودار، شىعىس قازاقستان، قاراعاندى جانە اقمولا وبلىستارى»، دەدى ا.بالاەۆا.
سونداي-اق، ءىس-شارا بارىسىندا پاۆلودار وبلىسىنىڭ اكىمى ابىلقايىر سقاقوۆ، پارلامەنت ءماجىلىسىنىڭ دەپۋتاتى ۆەرا كيم ءسوز سويلەدى.

مارافوننىڭ جابىلۋى اياسىندا «ەڭ مەيىرىمدى» بايقاۋىنىڭ جەڭىمپازدارى; سونداي-اق قايىرىمدىلىق سالاسىندا ماڭىزدى قىزمەتتى جۇزەگە اسىراتىن ۇيىمداردى انىقتاۋ، تانۋ جانە كوتەرمەلەۋ ءۇشىن جىل سايىن وتكىزىلەتىن «جومارت جۇرەك» قايىرىمدىلىق سىيلىعىنىڭ لاۋرەاتتارى ماراپاتتالدى.

 

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار