ەلوردا • 03 جەلتوقسان، 2021

2022 جىلى نۇر-سۇلتاندا جەو-3 ىسكە قوسىلادى

35 رەت كورسەتىلدى

بۇل تۋرالى وكق-دا قالا اكىمى التاي كولگىنوۆ ءمالىم ەتتى. ەلوردادا حالىق سانى جىل سايىن ەسەلەنىپ جاتقاندىقتان، جىلۋ جەتپەي قالۋ قاۋپى بار. سوندىقتان قالا اكىمى كەلەر جىلى جىلۋ ەلەكتر ستانتسياسىنىڭ جاڭا نىسانىن ىسكە قوسۋ كەرەكتىگىن ايتتى، دەپ حابارلايدى Egemen.kz.

جەو-3 ىسكە قوسىلسا، 6 ملن-عا جۋىق شارشى مەتر تۇرعىن ءۇيدى جىلۋمەن قامتاماسىز ەتۋگە مۇمكىندىك پايدا بولماق.

«ونىڭ قۇجاتتاماسىن ءبىز تۇزەتۋلەردەن وتكىزدىك. سەبەبى بۇرىنعى جوسپاردا گازداندىرۋ كوزدەلمەگەن. سوندىقتان دا ءبىز قازىر گازبەن دە، كومىرمەن دە جۇمىس ىستەيتىن جوبانى قۇراستىردىق. بۇل جۇمىس مەملەكەتتىك ساراپتامادان ءوتتى. ءتيىستى قاراجات ءبولىندى. كەلەسى جىلدىڭ سوڭىنا دەيىن ءبىز جەو-3-ءتى قوسۋىمىز قاجەت»، دەدى التاي كولگىنوۆ.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار