ەلوردا • 03 جەلتوقسان، 2021

ەلوردادا 70 جاڭا مەكتەپ سالىنادى

72 رەت كورسەتىلدى

ورتالىق كوممۋنيكاتسيالار قىزمەتىندە وتكەن بريفينگتە نۇر-سۇلتان قالاسىنىڭ اكىمى التاي كولگىنوۆ ءبىلىم وشاقتارىنىڭ قۇرىلىسى تۋرالى ايتتى، دەپ جازادى Egemen.kz.

حالىق سانىنىڭ جىل سايىنعى ءوسىمىن ەسكەرە وتىرىپ، نۇر-سۇلتان قالاسى اكىمدىگى ءبىلىم وشاقتارىنىڭ قۇرىلىسىن جۇيەلى تۇردە جۇرگىزىپ جاتىر. جىل سايىن ءبىرىنشى سىنىپقا باراتىندار سانى تۇلەكتەردىڭ سانىنان 3 ەسەدەن استامعا ارتىپ كەلەدى.

«ەلوردا حالقىنىڭ سانى ىشكى كوشى-قون ەسەبىنەن دە، بالا تۋ كورسەتكىشى ەسەبىنەن دە جىل سايىن ارتىپ كەلەدى. سوڭعى 10 جىلدا وقۋشىلار سانى 3 ەسە ءوستى. جىل سايىن ءبىرىنشى سىنىپقا باراتىندار سانى ارتىپ كەلەدى. 2030 جىلعا قاراي نۇر-سۇلتان قالاسىندا 400 مىڭ وقۋشى بولادى دەگەن بولجام بار. بۇل كورسەتكىش مەكتەپتەردىڭ بەلسەندى قۇرىلىسىن تالاپ ەتەدى.

بيىل ءبىز 15 مەكتەپ سالدىق، بۇل 40 مىڭ وقۋشىنىڭ ءبىلىم الۋىنا مۇمكىندىك بەردى، بۇل 2020 جىلمەن سالىستىرعاندا ەكى ەسە، 2019 جىلمەن سالىستىرعاندا ءتورت ەسە كوپ. بۇل ءۇش اۋىسىمدا وقيتىن جانە وقۋ رەجيمى شامادان تىس كوپ بولاتىن مەكتەپتەردىڭ سانىن ايتارلىقتاي قىسقارتۋعا مۇمكىندىك بەردى»، دەدى التاي كولگىنوۆ.

مەملەكەت باسشىسىنىڭ تاپسىرماسى بويىنشا ءبىلىم وشاقتارىنىڭ قۇرىلىسىنا ەرەكشە كوڭىل ءبولىنىپ جاتىر. 2022 جىلى ەلوردادا تاعى 16 مەكتەپ سالىنادى. كەشەندى جوسپار اياسىندا 5 جىلدىق مەرزىمگە 70-كە جۋىق مەكتەپ سالۋ جوسپارى بار. بۇل پروتسەسس جەكە ينۆەستيتسيالاردى دا تارتادى.

قالانىڭ بارلىق اۋداندارىندا، ونىڭ ىشىندە ەلدى مەكەندەردە ءبىلىم وشاقتارى سالىنىپ جاتىر. ءبىلىم بەرۋ مەكەمەلەرىنىڭ قۇرىلىسىمەن قاتار قولدانىستاعى وقۋ ورىندارىنا دا كوڭىل ءبولىنىپ، 26 ءبىلىم بەرۋ نىسانى، سونىڭ ىشىندە مەكتەپتەر، بالاباقشالار، كوللەدجدەر جوندەۋدەن ءوتتى.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار