قوعام • 03 جەلتوقسان، 2021

ءتورت ت ۇلىكتى ەسەپكە الاتىن ءموبيلدى قوسىمشا ازىرلەنۋدە

155 رەت كورسەتىلدى

اۋىل شارۋاشىلىعى مينيسترلىگى ۆەتەريناريا سالاسىن تسيفرلاندىرۋدى جوسپارلاپ وتىر. بۇل تۋرالى ۆەدومستۆو باسشىسى ەربول قاراشوكەەۆ مالىمدەدى، دەپ حابارلايدى Egemen.kz.

ءمينيستردىڭ ايتۋىنشا، ۆەتەريناريا سالاسىندا كەمشىلىكتەر از ەمەس. اۋىلداردا ۆەتەريناريا قىزمەتى ءتيىستى دەڭگەيدە دامىماي وتىر.

«بۇل سالاعا تسيفرلاندىرۋ ءالى دە بولسا جەتپەگەن، ماماندار قاعازباستى جۇمىستان ارىلماعان. سونىمەن قاتار ورتالىق جانە جەرگىلىكتى اتقارۋشى ورگانداردىڭ ۆەتەريناريالىق قىزمەتتەرى اراسىندا وكىلەتتىكتەردىڭ اراجىگىن تولىق اجىراتۋ قاجەت. مال دارىگەرلەرىنىڭ جالاقىسى وتە تومەن»، دەدى قاراشوكەەۆ سەناتتاعى ۇكىمەت ساعاتىندا.

وسىعان بايلانىستى مينيستر ۆەتەريناريالىق قىزمەتتەر نارىعىن دامىتۋ، مال دارىگەرلەرىنىڭ جالاقىسىن كوتەرىپ، ورتالىق جانە جەرگىلىكتى اتقارۋشى ورگانداردىڭ ۆەتەريناريالىق قىزمەتتەرى اراسىنداعى وكىلەتتىكتەردىڭ اراجىگىن اجىراتۋدى جوسپارلاپ وتىر.

ونىڭ ايتۋىنشا، اسىرەسە تسيفرلاندىرۋعا ەرەكشە كوڭىل ءبولىنىپ جاتىر. قاجەتتى قاراجات بولىنگەن.

«قازىرگى ۋاقىتتا موبيلدىك قوسىمشاسى بار «مال دەرەك» باعدارلامالىق ءونىمى ازىرلەنۋدە. ول ۆەتەريناريالىق قۇجاتتامانىڭ نەگىزگى بولىگىن تسيفرلىق فورماتقا اۋىستىرىپ، مامانداردى قاعازباستىلىقتان بوساتۋعا جانە جانۋارلاردى ەسەپكە الۋدىڭ بۇكىل پروتسەسىن اۆتوماتتاندىرۋعا، ەپيزووتيالىق احۋالدى جانە مال ونىمدەرىنىڭ قاۋىپسىزدىگىن قاداعالاۋعا مۇمكىندىك بەرەدى»، دەدى قاراشوكەەۆ.

 

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار