ەكونوميكا • 03 جەلتوقسان، 2021

ۇلتتىق بانك 64،6 ميلليون دوللارعا ينتەرۆەنتسيا جۇرگىزدى

83 رەت كورسەتىلدى

قازاقستان ۇلتتىق بانكىندە تەڭگە باعامىن ۇستاپ تۇرۋ ءۇشىن 2 جەلتوقساندا وتكىزىلگەن ۆاليۋتالىق ينتەرۆەنتسيالار تۋرالى ايتىلدى، دەپ حابارلايدى Egemen.kz.

ۇلتتىق بانك وكىلىنىڭ ايتۋىنشا، 2 جەلتوقساندا بيرجاداعى تەڭگە-دوللار ساۋدا-ساتتىعىنىڭ كولەمى 292 ميلليون دوللارعا جەتتى، بۇل - 2020 جىلدىڭ ساۋىرىنەن باستاپ قاراعاندا رەكوردتىق كورسەتكىش. قازاقستاننىڭ ۆاليۋتا نارىعى سىرتقى نارىقتارداعى جاعدايدىڭ ناشارلاۋىنا بايلانىستى شەتەل ۆاليۋتاسىنا سۇرانىستىڭ ءوسۋ كەزەڭىن باستان وتكەرىپ وتىر.

«ساۋدا-ساتتىق كولەمىنىڭ ءوسۋى جانە ءبىر دوللار ءۇشىن 436 تەڭگە بەلگىسىنە دەيىن باعامنىڭ السىرەۋى شەتەل ۆاليۋتاسىنا سۇرانىستىڭ ارتۋى اياسىندا ورىن الدى، ول مىناداي فاكتورلارعا تىكەلەي بايلانىستى بولدى»، دەيدى ءاليا مولدابەكوۆا.

بىرىنشىدەن، «وميكرون» شتاممىنىڭ تارالۋىنا قاتىستى الاڭداۋشىلىقتىڭ ارتۋىنا بايلانىستى مۇناي باعاسىنىڭ كۇرت قۇلدىراۋى سەبەپ بولدى. ماسەلەن، 1 جەلتوقساندا Brent سۇرىپتى مۇنايدىڭ بەلگىلەنگەن باعاسى ءبىر باررەل ءۇشىن 70 دوللاردان تومەن ءتۇسىپ، بيىلعى جىلعى تامىزدان باستاپ ەڭ تومەنگى دەڭگەي – 68،14-كە جەتتى.

ەكىنشىدەن، مۇناي باعاسىنىڭ جەرگىلىكتى ەڭ تومەنگى دەڭگەيگە دەيىن تومەندەۋى كومپانيالار مەن جەكە تۇلعالار تاراپىنان شەتەل ۆاليۋتاسىنا قوسىمشا ىشكى سۇرانىستى تۋىنداتتى، 1 جەلتوقسان قازاقستاندا دەمالىس كۇنى بولعاندىقتان، سۇرانىستىڭ ءبىر بولىگى ەكىنشى دەڭگەيلى بانكتەر ونلاين پلاتفورمالارى ارقىلى ىسكە اسىرىلدى.

سوندىقتان جۇيەلەرى ۆاليۋتانى ونلاين ايىرباستاۋعا مۇمكىندىك بەرەتىن بارلىق بانكتەر 2 جەلتوقسان كۇنى تاڭەرتەڭ «قىسقا» پوزيتسيادا بولدى، ياعني ولار جۇمىس ۋاقىتىنان تىس ۋاقىتتا ءوز كليەنتتەرىنە ساتىلعان ۆاليۋتانى ساتىپ الۋعا ءماجبۇر بولدى. ال سۇرانىستىڭ ءبىر بولىگى ساۋدا-ساتتىق اشىلعاننان كەيىن بىردەن بيرجا نارىعىنا ءتۇستى. سوندىقتان، كەشە بانكتەر ءوز كليەنتتەرىنە «قىسقا» پوزيتسيانى جابۋ جانە جاڭادان كەلىپ تۇسكەن وتىنىمدەردى ورىنداۋ ءۇشىن ۆاليۋتا ساتىپ الدى. ۇشىنشىدەن، شەتەل ۆاليۋتاسىنا ايتارلىقتاي سۇرانىس بەيرەزيدەنت ينۆەستورلار تاراپىنان دا تۋىندادى. دامۋشى نارىقتاردان ۆاليۋتانىڭ جاھاندىق اكەتىلۋى اياسىندا بەيرەزيدەنتتەر تەڭگەدەن شەتەل ۆاليۋتاسىنا كەرى كونۆەرتتەدى. سۇرانىستىڭ ارتۋى بانكارالىق نارىقتاعى باعا بەلگىلەۋگە اسەر ەتتى، مۇندا ساتىپ الۋ باعامى ءبىر دوللار ءۇشىن 441 تەڭگەگە دەيىن جەتتى.

«شەتەل ۆاليۋتاسىنا سۇرانىستىڭ ونىڭ ۇسىنىسىنان ايتارلىقتاي اسىپ ءتۇسۋى اياسىندا ۆاليۋتا نارىعىنداعى جاعدايدى تۇراقتاندىرۋ ماقساتىندا ۇلتتىق بانك 2 جەلتوقساندا 64،6 ملن اقش دوللارى كولەمىندە ينتەرۆەنتسيا جۇرگىزدى. بۇل الىپساتارلىق احۋالدىڭ كۇشەيۋىنە جانە ايىرباستاۋ باعامىنىڭ تۇراقسىزداندىراتىن اۋىتقۋلارىنا جول بەرمەۋگە مۇمكىندىك بەردى. بانكتەردىڭ قىسقا پوزيتسيالارىنا جانە بەيرەزيدەنتتەردىڭ شىعۋىنا بايلانىستى قوسىمشا سۇرانىس تولىق كولەمدە قاناعاتتاندىرىلدى»، دەدى ۇلتتىق بانك توراعاسىنىڭ ورىنباسارى ءاليا مولدابەكوۆا.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار