ەلباسى • 03 جەلتوقسان، 2021

جۇلدىزدى ساتتەر جىلناماسى

43 رەت كورسەتىلدى

قازاقستاننىڭ تۇڭعىش پرەزيدەنتى – ەلباسى كىتاپحاناسى مۋزەيىندە ەلباسىنىڭ جەكە توپتاماسىنداعى جادىگەرلەر، مەملەكەت باسشىلارى مەن ولاردىڭ رەسمي وكىلدەرىنىڭ سىيلىقتارى، ونەر تۋىندىلارى جانە ءمانى زور تاريحي قۇندىلىقتار جيناقتالعان. ءبىز وسى جولى مۋزەيدىڭ «داڭق» گالەرەياسىنداعى ەكسپوزيتسياسىن سويلەتسەك دەيمىز. وندا تۇڭعىش پرەزيدەنتىمىزدىڭ جەتەكشىلىگىمەن جۇزەگە اسقان قازاقستاننىڭ جاھاندىق ساياساتىنىڭ دالەلدەرى جيناقتالىپ، 50-دەن اسا قوعامدىق جانە جوعارعى مەملەكەتتىك ناگرادا ورنالاسقان.

ەلباسى ەلىمىز ەگەمەندىك العاننان كەيىن سىرتقى ساياساتتا ساليقالى با­عىت ۇستانىپ، الەمنىڭ كوپتەگەن مەم­لە­كەت­ىمەن سالماقتى بايلانىس ورنات­تى. بۇل ەندى ازاتتىق الىپ، ەڭسە­سىن تىك­تەپ، جاڭاشا دامۋ جولىنا تۇس­كەن قازاقستانعا تىڭ سەرپىن بەردى. سون­دىقتان دا سىرتقى ساياساتىمىزدى قا­لىپ­تاستىرۋدا نۇرسۇلتان نازارباەۆتىڭ ەڭبەگى زور، سونى شەت مەملەكەت باسشىلارى دا جوعارى باعالاعان. ايتالىق، 2000 جىلى 29 اقپاندا ۆەنا قالاسىندا اۋستريا پرەزيدەنتى توماس كلەستيل ەلبا­سىنى ەكى ەل اراسىنداعى دوستىق بايلانىستى نىعايتۋعا قوسقان ۇلەسى ءۇشىن اۋستريانىڭ جوعارى ناگراداسى «اۋستريا رەسپۋبليكاسىنا سىڭىر­گەن ەڭبەگى ءۇشىن ۇلكەن قۇرمەت جۇل­دىزى» وردە­نى­مەن ماراپاتتاسا، ليتۆا رەسپۋب­ليكاسى ءى دا­رەجەلى « ۇلى ۆيتاۋتاس» وردەنىن تابىس ەتكەن.

2002 جىلى 24 مامىردا ۆارشاۆا شاھارىندا تۇڭعىش پرەزيدەنتىمىزگە پولشا رەسپۋبليكاسىنىڭ جوعارى ناگرا­داسى «اق قىران» وردەنى تابىس­تالعان. ايتۋلى ماراپاتتى 1705 جىلى 1 قاراشادا پولشا كورولى ءىى اۆگۋست بەكىتكەن، وعان يە بولعاندار قاتا­رىندا – ريم پاپاسى ءىى يوانن پاۆەل، ۇلىبريتانيا پاتشايىمى ءىى ەلي­زا­ۆەتا، فرانتسيا پرەزيدەنتى جاك شيراك، گفر كانتسلەرى گەلمۋت كول، چەحيا پرەزيدەنتى ۆاتسلاۆ گاۆەل، ليتۆا پرە­زيدەنتى الگيرداس برازاۋسكاس بولسا، وسى بىرەگەي تۇلعالاردىڭ اراسىندا نۇرسۇلتان نازارباەۆتىڭ ەسىمى اتالعانى جۇرەككە جىلىلىق ۇيالاتادى.

1997 جىلى يتاليا پرەزيدەنتى لۋيدجي سكالفارو ەلباسىن «ۇلكەن لەنتامەن كومكەرىلگەن ۇلكەن كرەست يەگەرى» وردەنىمەن ماراپاتتاسا، بەل­گيا كورولى، مارتەبەلى ءىى البەرتتىڭ جار­لىعىمەن نۇرسۇلتان نازارباەۆقا وسى ەلدىڭ جوعارى ماراپاتى – ۇلكەن كرەستىڭ ومىراۋ جۇلدىزى بار، ءى لەو­پولد وردەنىنىڭ ۇلكەن لەنتاسى تابىس ەتىلگەن. بۇل ناگرادا بەلگيانىڭ جانە شەت مەملەكەتتەردىڭ ەڭ اتاقتى مەملە­كەتتىك قايراتكەرلەرىنە بەرىلەدى.

سونداي-اق فرانتسيا باسشىسى اتىنان اسكەري نەمەسە ازاماتتىق ەڭبەگى ءۇشىن بەرىلەتىن جوعارعى ناگراداسى «قۇر­مەتتى لەگيوننىڭ ۇلكەن كرەسى» ور­دەنى نازارىمىزدى اۋداردى. اتالعان وردەن 1802 جىلى 19 مامىردا ناپولەون بوناپارتتىڭ جارلىعىمەن بەكىتىلگەن. 2011 جىلى 11 ماۋسىمدا نۇرسۇلتان نازارباەۆتىڭ فرانتسياعا رەسمي ساپارى بارىسىندا ەكى ەل اراسىنداعى دوستىق قارىم-قاتىناستاردى دامىتۋعا قوسقان ۇلەسى ءۇشىن سول مەملەكەتتىڭ باسشىسى ەلباسىن «قۇرمەتتى لەگيون» وردەنىمەن ماراپاتتاعان. سونىمەن بىرگە تۇڭ­عىش پرەزيدەنتىمىزگە ماجارستان رەسپۋبلي­كاسىنىڭ جوعارى ناگراداسى «القالى ۇلكەن كرەست» وردەنى تابىس ەتىلگەن.

ال رەسەي فەدەراتسياسىنىڭ جوعارى ماراپاتى «اۋليە اپوستول اندرەي پەر­ۆوزۆاننىي» وردەنى دە كورنەكتى مەملەكەت جانە قوعام قايراتكەرلەرى مەن شەت مەملەكەتتەر مەن ۇكىمەت باسشىلارىنا بەرىلەدى. 1998 جىلى سول كەزدەگى رف پرە­زيدەنتى ب.ن.ەلتسين «اۋليە اپوس­تول اندرەي پەرۆوزۆاننىي» وردەنىن رە­سەيدىڭ جوعارى مەملەكەتتىك ناگراداسى رەتىندە قالپىنا كەلتىرگەن. ونىڭ العاش يەگەرى اكادەميك د.ليحاچەۆ بولسا، ەكىنشىسى – اتۋ قارۋىنىڭ اتاقتى كونسترۋكتورى م.كالاشنيكوۆ. ءبىزدىڭ ەلباسى اتالعان وردەننىڭ ءۇشىنشى يەگەرى. ونىمەن تۇڭعىش پرەزيدەنتىمىزدى بوريس ەلتسين 1998 جىلى 12 قازاندا ماراپاتتاعان.

سونىمەن قاتار مىسىر اراب رەسپۋب­ليكاسىنىڭ جوعارى ناگراداسى « ۇلى ءنىل وردەنى» 2008 جىلى 17 مامىر­دا نۇرسۇلتان نازارباەۆ شارم-ءال-شەيح قالاسىندا وتكەن دۇنيە­جۇزىلىك ەكونوميكالىق فورۋمعا بارعاندا تابىس­تالعان. مىسىر اراب رەسپۋب­ليكا­سىنىڭ بۇل جوعارى ناگراداسىمەن ەكىجاقتى قارىم-قاتىناستاردى دامىتۋعا قوسقان زور ۇلەسى ءۇشىن مەملەكەت باسشىلارى عانا ماراپاتتالادى.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار