بيزنەس • 02 جەلتوقسان، 2021

مەملەكەتتىك باعدارلامالار كاسىپكەرلەرگە قولداۋ كورسەتەدى

53 رەت كورسەتىلدى

سوڭعى جىلدارى ەلدەگى ەپيداحۋالعا بايلانىستى ەكونوميكانىڭ ءسال باسەڭدەپ، وتاندىق كاسىپورىندار ىركىلىپ قالعانى بەلگىلى. وسىعان بايلانىستى مەملەكەت تاراپىنان ارنايى باعدارلامالار ازىرلەنىپ، كاسىپكەرلەرگە ءبىرشاما قولداۋ كورسەتىلىپ جاتىر.

«قاراپايىم زاتتار ەكونوميكاسى»، «بيزنەستىڭ جول كارتاسى-2020، 2025»، «نۇرلى جەر»، بۇۇدب سياقتى كاسىپكەرلەردى قولدايتىن مەملەكەتتىك باعدارلامالارعا قاتىسۋشىلاردىڭ كوشباسشىسى – «سبەربانك» اق ەب.

بانكتىڭ قارجىلاندىرۋ كومەگىن پايدالانعان شىعىس قازاقستان وبلىسىنداعى «ماي» اكتسيونەرلىك قوعامى وتاندىق نارىقتىڭ 35%-ىن قامتىپ وتىر.

1922 جىلى جەكە-دارا ماي شايقاۋ ورنى بولىپ قۇرىلعان زاۋىتى بۇگىندە №1 ماي زاۋىتى اتانعان. ءجۇز جىلدىق تاريحى بار كونە زاۋىت جىلىنا 100 توننا مايلى داندەردى وڭدەيتىن الپاۋىت زاۋىتقا اينالعان.

«تەك بىزدە عانا 48 ساعات ىشىندە كۇنباعىس مايى تۇقىمىنان دايىن ءونىم شىعاراتىن بىرەگەي ءوندىرىس بار. بۇل مايدىڭ قىشقىلدانۋىنا جول بەرمەيدى. سوندىقتان ءونىمنىڭ ساپاسى جوعارى بولىپ شىعادى»، دەپ ءتۇسىندىردى «ماي» اق-نىڭ ديرەكتورى تاتيانا كوستينا.

ەل تۇتىنۋشىلارى «ماسلوزاۆود №1»، «زابوتا»، «مايسكوە»، «كۋدەسنيتسا» دەپ اتالاتىن ونىمدەردى جاقسى بىلەدى. بۇل مايلاردى ءدال وسى زاۋىت ۇسىنادى. ال شيكىزات وسكەمەن ماڭىنداعى اۋدانداردان ۇزدىكسىز جەتكىزىلىپ تۇرادى. باسشىلىقتىڭ ايتۋىنشا، زاۋىت تاۋلىگىنە 300 توننا كۇنباعىس ءدانىن قابىلدايدى.

قازاقستان بويىنشا «ماي» اق-نىڭ ءوز الدىنا جەكەمەنشىك ەلەۆاتورى مەن قويمالارىن قوسا العاندا، ءوز قۋاتىنىڭ تولىق سپەكترىنە يە جالعىز زاۋىت بولىپ تابىلادى. ءوندىرىس ۇدەرىسى 48 ساعاتقا سوزىلىپ، مايدىڭ پايدالى قاسيەتتەرى ساقتالادى.

ايتا كەتسەك، زاۋىتتا قازاقستاندا بالاماسى جوق شۆەيتساريانىڭ «Buhler» كومپانياسىنان تۇقىمدى اۆتوماتتى تۇردە تازالاۋ جانە دايىنداۋ جەلىسى ورناتىلعان، ول قاۋىزدىڭ 90%-ىن جويادى.

«سبەربانك وڭدەۋ ونەركاسىبىن دامىتۋعا ايرىقشا ءمان بەرەدى. ءبىز «ماي» اق-مەن 2009 جىلدان بەرى جۇمىس ىستەپ كەلەمىز جانە وسى جىلداردا كاسىپورىنعا قازاقستاندىق نارىقتا كوشباسشىلىق پوزيتسيانى ساقتاپ قالۋعا مۇمكىندىك بەرەتىن بىرنەشە ينۆەستيتسيالىق جوبالاردى بىرلەسىپ ىسكە اسىردىق. زاۋىت ءبىزدىڭ نەگىزگى جانە سەنىمدى سەرىكتەستەرىمىزدىڭ ءبىرى»، دەدى «سبەربانك» اق ەب وسكەمەن قالاسىنداعى فيليالىنىڭ ديرەكتورى.

و.فەدورەنكونىڭ ايتۋىنشا، بانك تاماق ونەركاسىبى، ماشينا جاساۋ، مەتاللۋرگيا، تۋريزم، قىزمەتتەر جانە ساۋدا جوبالارىنا باسا نازار اۋدارادى. قازىرگى ۋاقىتتا ايماقتىق فيليالدا 3000-نان استام زاڭدى جانە 80 000-نان استام جەكە تۇلعالارعا قىزمەت كورسەتىلەدى.

بيىل مەملەكەتتىك باعدارلامالار اياسىندا فيليال 10 ملرد تەڭگەدەن استام سومادا ءتۇرلى جوبالاردى قارجىلاندىرعان.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار