ايماقتار • 02 جەلتوقسان، 2021

باس دارىگەر وزىنە 2،5 ملن تەڭگە سىياقى تاعايىنداعان

651 رەت كورسەتىلدى

بايقوڭىر قالاسىندا كوپسالالى اۋرۋحانانىڭ باس دارىگەرىنە قاتىستى تەرگەۋ جۇرگىزىلۋدە، دەپ حابارلايدى Egemen.kz.

«تەرگەۋ بارىسىندا 2020 جىلدىڭ جەلتوقسانىندا بايقوڭىر قالاسىنىڭ كوپسالالى اۋرۋحاناسىنىڭ باس دارىگەرى ءوزىنىڭ لاۋازىمدىق جاعدايىن اسىرا پايدالانعان. ول وسى مەديتسينالىق مەكەمەگە تيەسىلى 2 ملن 500 مىڭ تەڭگەدەن استام قاراجاتتى وزىنە سىياقى رەتىندە تاعايىنداپ، اقشا جىمقىرعانى انىقتالدى»، دەپ حابارلادى «بايقوڭىر» كەشەنىنىڭ پروكۋراتۋراسى. 

قازىرگى ۋاقىتتا قىلمىستىق ءىس بويىنشا جاسالعان ارەكەتتىڭ بارلىق ءمان-جايىن انىقتاۋعا جانە «بايقوڭىر قالاسىنىڭ كوپسالالى اۋرۋحاناسى» مكك كەلتىرىلگەن ماتەريالدىق زالالدى وتەۋگە باعىتتالعان تەرگەۋ ارەكەتتەرى جۇرگىزىلۋدە.

قىلمىستىق ءىستى تەرگەۋ بارىسى پروكۋراتۋرانىڭ باقىلاۋىنا الىندى.

سوڭعى جاڭالىقتار

ۇقساس جاڭالىقتار