باسىلىم اۆتورلارى - ساۋد ارابياسىندا قازاقستان ەلشىسى بەرىك ارىن, ورىس-اراب زەرتتەۋلەرى جانە اقپارات قورىنىڭ توراعاسى م.ات-تۋركي, كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ توراعاسى ب.سارسەنباەۆ, قازاقستانداعى ساۋد ارابياسى كورولدىگىنىڭ بۇرىنعى ەلشىسى ح.الەنەزي, سونىمەن قاتار بىرقاتار ساۋديالىق ساراپشىلار.
«30 جىل ىشىندەگى قازاقستاننىڭ نەگىزگى تاريحي وقيعالارى سيپاتتالعان كىتاپ بارلىق وقىرماندارىمىز ءۇشىن قىزىقتى ءارى پايدالى بولادى جانە اراب ءتىلدى اۋديتوريعا ەلىمىزدى جانە تاۋەلسىزدىك كەزەڭىندەگى جەتىستىكتەرىن جەتە بىلۋگە مۇمكىندىك بەرەدى», دەدى كىتاپتىڭ تانىستىرىلىمىندا بەرىك ارىن.
كىتاپتا تاۋەلسىز قازاقستاننىڭ نەگىزگى تاريحي وقيعالارى باياندالىپ, ەلىمىزدىڭ سىرتقى ساياسي, الەۋمەتتىك-ەكونوميكالىق جانە مادەني-گۋمانيتارلىق سالالارداعى باستى باعىتتارى سيپاتتالعان. ۇلتارالىق جانە دىنارالىق كەلىسىمنىڭ قازاقستاندىق مودەلى مەن ەلباسىنىڭ الەمدىك جانە ءداستۇرلى دىندەر كوشباسشىلارى سەزىن شاقىرۋ جونىندەگى باستاماسىنا جەكە ءبولىم ارنالعان. سونىمەن قاتار كىتاپتا ءتۇرلى باعىتتا قازاقستاندىق-ساۋديالىق ىنتىماقتاستىقتى دامىتۋدىڭ ماڭىزدى كەزەڭدەرى قامتىلعان. قر تۇڭعىش پرەزيدەنتى – ەلباسى نۇرسۇلتان نازارباەۆتىڭ قازاق مەملەكەتىن قۇرۋ, قازاقستان مەن ساۋد ارابياسى اراسىنداعى دوستىق قارىم-قاتىناستى ورتاتۋ جولىنداعى تاريحي رولىنە ايرىقشا نازار اۋدارىلعان.
