بياتلونشى ۆيشنەۆسكايا الەم چەمپيوناتىندا كۇمىس مەدال الدى

قازاقستاندىق گالينا ۆيشنەۆسكايا اقش-تىڭ پرەسك ايل قالاسىندا بياتلوننان 7,5 شاقىرىمعا جۇگىرۋدەن وتكەن ءجاسوسپىرىم قىزدار اراسىنداعى الەم چەمپيوناتىندا كۇمىس مەدال جەڭىپ الدى. بۇل تۋرالى Ras.kz حابارلادى. سوچيدە بولىپ وتكەن قىسقى وليمپيالىق ويىندارعا قاتىسقان ۆيشنەۆسكايا مارەگە بۇل جولى ءبىرىنشى ورىن العان رەسەيلىك ەۆگەنيا پاۆلوۆادان بار-جوعى 0,3 سەكۋند قانا قالىپ كەلدى. چەمپيوناتتا ودان باسقا قازاقستاندىقتار اناستاسيا كوندراتەۆا – 19-شى, الەكساندرا ساسينا – 38-ءشى, ۆالەنتينا ساۋلەنكو 44-ءشى ورىنعا ورنالاستى. جارىسقا بارلىعى 47 بياتلونشى قاتىسقان بولاتىن. ءجاسوسپىرىم جىگىتتەر اراسىندا ءدال وسىنداي قاشىقتىققا جۇگىرۋدە امەريكالىق شون دوەرتي ءبىرىنشى ورىنعا كوتەرىلدى. جالپى ايتقاندا, قازاقستاندىقتار اراسىنداعى ۇزدىگى رومان ەرەمين جەڭىمپازدان 38 سەكۋند قالىپ, كومبە سىزىعىن جەتىنشى بولىپ قيىپ ءوتتى. كەلەسى جەرلەسىمىز ۆلاديسلاۆ ۆيتەنكو – 10-شى, اندرەي لاريونوۆ – 12-ءشى, ال ۆلاديسلاۆ ميروپولسكي 36-شى بولدى. ءامىرحان الماعانبەتوۆ. دەرەككوز: Ras.kz. فوتو: Ras.kz.