ايماقتار • 01 جەلتوقسان، 2021

پاۆلودارلىق وقۋشىلار « ۇلى دالا مۇراگەرلەرى» دومبىراشىلار فلەشموبىنا قاتىستى

50 رەت كورسەتىلدى

قر تۇڭعىش پرەزيدەنتى كۇنىنە وراي پاۆلودار قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىندە جاس دومبىراشىلاردىڭ ورىنداۋىندا اتى اڭىزعا اينالعان كۇيلەر شىرقالدى، دەپ جازادى Egemen.kz.

قۇرمانعازىنىڭ كۇيى «بالبىراۋىن»، ن.تىلەنديەۆتىڭ «القيسسا» كۇيى، حالىق ءانى «ەلىم-اي» جانە قىرعىزدىڭ كۇيى «ماش بوتوي» شىعارماسىن پاۆلودارداعى نازارباەۆ زياتكەرلىك مەكتەپتىڭ 65 وقۋشىسى ورىندادى.

« ۇلى دالا مۇراگەرلەرى» اتتى ءداستۇرلى دومبىراشىلار فلەشموبىندا دومبىرامەن قاتار، قازاقتىڭ شاڭقوبىزى، داۋىلپاز، دابىل، قوبىز سياقتى ۇلتتىق اسپاپتارى قولدانىلدى.

اۋقىمدى شارانىڭ ماقساتى - ۇلت كوشباسشىسى ن.ءا.نازارباەۆتىڭ جۇرگىزىپ وتىرعان ساياساتىنا قولداۋ ءبىلدىرۋ. ۇلتتىق اسپاپ دومبىرا مەن ونەرىمىزدى كۇي ارقىلى ناسيحاتتاۋ. پاتريوتتىق شارا زياتكەرلەردىڭ بويىنا وتانسۇيگىشتىك قاسيەتتى سىڭىرۋگە ماقساتتالعان.

شارانىڭ ەرەكشەلىگى ءبىر ساتتە الپىستان اسا پاۆلودارلىق زياتكەر قازاقتىڭ 4 كۇيىن ورىندادى. ايتا كەتەرلىگى، « ۇلى دالا مۇراگەرلەرى» اتتى دومبىراشىلار پاتريوتتىق اكتسياسى داستۇرگە اينالعان. جىل سايىن قر تۇڭعىش پرەزيدەنتى كۇنى قارساڭىندا نازارباەۆ زياتكەرلىك مەكتەپتەرىنىڭ بارلىق فيليالدارىندا ءبىز مەزگىلدە وتكىزىلەدى. بيىلعى جىلى ءداستۇرلى اكتسياعا قازاقستان بويىنشا 1000-عا جۋىق زياتكەرلىك مەكتەپ وقۋشىلارى قاتىستى.

سوڭعى جاڭالىقتار

ۇقساس جاڭالىقتار