قازاقستان • 01 جەلتوقسان، 2021

مەملەكەتتىك باقىلاۋ جۇيەسىندەگى وزگەرىس

131 رەت كورسەتىلدى

ىشكى نارىقتى قاۋىپتى ونىمدەردەن قورعاۋ ماقساتىندا تەحنيكالىق رەتتەۋ تەتىگى قايتا قاراستىرىلدى. بۇل تۋرالى تاياۋدا وتكەن قازاقستاننىڭ X ازاماتتىق فورۋمىندا ساۋدا جانە ينتەگراتسيا ءمينيسترى باقىت سۇلتانوۆ ايتتى.

جاۋاپتى ۆەدومستۆونىڭ باسشىسى ۇكىمەتتىك ەمەس ۇيىمداردىڭ وكىلدەرىمەن ونلاين فورماتتا پىكىر الماسىپ، تەحنيكالىق رەتتەۋ جانە مەترولوگيا، سونداي-اق تۇتىنۋشىلاردىڭ قۇقىقتارىن قورعاۋ سالاسىنداعى ارىپتەستىكتىڭ قورىتىندىلارى جانە ونى دامىتۋدىڭ پەرسپەكتيۆالارىن تالقىلادى.

ءمينيستردىڭ ايتۋىنشا، وتاندىق نارىقتى قاۋىپسىزدىگى كۇمان تۋدىراتىن ونىمدەردەن ساقتاۋ ءۇشىن تەحنيكالىق رەتتەۋ قۇرالدارى قايتا قاراستىرىلدى. مەملەكەتتىك باقىلاۋ جۇيەسىن رەفورمالاۋ وتاندىق، سونداي-اق اكەلىنەتىن ونىمدەردىڭ تولىق باقىلاۋ تسيكلىن كوزدەيتىن اقپاراتتىق جۇيەنى ازىرلەۋدەن باستالىپتى.

ايتالىق، كەز كەلگەن ونىمگە بايلانىستى ولقىلىق انىقتالعان جاعدايدا قاۋىپسىزدىكتى تەكسەرۋ ءۇشىن ءونىم ۇلگىلەرىنە سىناما جۇرگىزۋ نورماسى ەنگىزىلدى. سول سەكىلدى قاۋىپتى ءونىمدى تاركىلەۋ نەمەسە جويۋ سىندى جەدەل قاداعالاۋ تەتىكتەرى دە قاراستىرىلعان.

«كاسىپكەرلىك سۋبەكتىلەرىنە بارماي-اق تەكسەرۋ جۇمىستارىن جۇرگىزۋ تاجىريبەسى قولدانىلىپ كەلەدى. ادامنىڭ ءومىرى مەن دەنساۋلىعىنا، سونداي-اق قورشاعان ورتاعا قاۋىپ تونبەگەن جاعدايدا كەز كەلگەن بۇزۋشىلىقتى ءوز ەركىمەن رەتتەۋگە قۇقىق بەرىلىپ وتىر. بۇگىندە جاڭا مودەلگە سايكەس اۋقىمدى تەكسەرۋ جۇمىستارى ديزەل وتىنى نارىعىندا، اۆتوحيميا ءوندىرىسى، قۇرىلىس ماتەريالدارى جانە ەلەكتر تەحنيكا ساۋدا نارىعىندا جۇرگىزىلىپ جاتىر»، دەدى ب.سۇلتانوۆ.

ءونىم ساپاسىن ارتتىرۋدا قوعامدىق ۇيىمداردىڭ دا ءرولىن كۇشەيتۋ تۋرالى ايتىلدى. بۇعان قاتىستى وڭ مىسال دا جەتەرلىك.

«مىسالى، شەكارادا جۇرگىزىلگەن تەكسەرۋلەردەن كەيىن تسەمەنت قاۋىمداستىعى سەرتيفيكاتتاۋ ورگاندارىنىڭ «كولەڭكەلى سەرتيفيكاتتاردى» بەرگەنى تۋرالى فاكتىلەردى انىقتاعان.

نارىقتاعى جالعان سەرتيفيكاتتاردىڭ جولىن كەسۋ ءوندىرىستىڭ وسۋىنە اسەر ەتتى. ناقتى ايتقاندا، قاۋىمداستىقتىڭ اقپاراتىنا سايكەس 11 ملن توننادان استام تسەمەنت ءوندىرىلىپ، تاريحي رەكورد ورنادى.

وسىعان ۇقساس جاعداي اۆتوحيميا ونىمدەرى ساۋداسىندا دا ورىن العان. سالالىق قاۋىمداستىقتىڭ ءوتىنىشى بويىنشا مەملەكەتتىك باقىلاۋدىڭ ناتيجەسىندە ساپاسىز سالقىنداتقىش سۇيىقتىقتى ساتۋ دەرەگى انىقتالىپ، 6 ملن تەڭگەدەن اسا ايىپپۇل سالىندى»، دەدى ساۋدا جانە ينتەگراتسيا ءمينيسترى.

بيىل ستاندارتتاۋ جوسپارىنا سايكەس مەتاللۋرگيا ونەر­كا­سى­بىندە (اليۋميني ءپروفيلى) 23 ستاندارت ازىرلەنگەنى بەلگىلى بولدى. بۇل تالاپتى ەنگىزىپ، ولاردى قولدانۋ ارقىلى كەم دەگەندە 18 ايدىڭ ىشىندە (ەسەپتەۋ ISO دايىنداعان ستاندارتتاردى قول­دانۋ تيىمدىلىگىن انىقتاۋ ادىستەمەسىنە سايكەس جۇرگىزىلەدى) كاسىپورىنداردىڭ تابىسىن 6%-عا ارتتىرۋعا، قوسىمشا 50 جۇمىس ورنىن قۇرۋعا، شىعارىلاتىن ءونىمنىڭ اسسورتيمەنتىن (اليۋميني ۆيتراجدارى، قاسبەتتەر) 10-نان 20-عا دەيىن ۇلعايتۋعا جول اشادى دەپ العا تارتتى ۆەدومستۆو باسشىسى.

«اگرارلىق مەملەكەت رەتىندە ازىق-ت ۇلىك ونىمدەرىن ەكسپورتتايتىنىمىز ءمالىم. بيىل ءباا مەن تۇركيانىڭ حالىقارالىق دەڭگەيدە مويىندالعان «حالال» ستاندارتتارى نەگىزىندە ساۋداعا قويىلاتىن ءونىم مەن كورسەتىلەتىن قىزمەتكە بايلانىستى 6 ستاندارت ازىرلەندى. بۇل پارسى شىعاناعى مەن تاياۋ شىعىستاعى الەۋەتتى ەكسپورتتىق نارىققا شىعۋعا جانە جىل سايىن 180 ملن دوللار سوماسىنا وتاندىق ءونىمدى وتكىزۋگە مۇمكىندىك بەرەدى»، دەدى ب.سۇلتانوۆ.

بۇدان باسقا مينيستر الداعى 4-5 جىلدا 900-گە جۋىق (882) سىناق زەرتحانالارىنىڭ ۇشتەن ءبىرى جاڭعىرتىلاتىنىن جەتكىزدى. بۇل ەكونوميكالىق ءوسىم جونىندەگى ۇلتتىق جوبانىڭ اياسىندا ىسكە اسىرىلادى. قۇزىرلى ورگان باسشىسى ايتقانداي، بيىل ەلوردادا شاعىن تۇرمىستىق قۇرىلعىلاردان باستاپ جۇك كولىكتەرىنە دەيىن ارنايى سىناقتان وتكىزۋگە قاۋقارلى كولەمدى كامەرانىڭ جۇمىسى جولعا قويىلعان.

سالالىق مينيسترلىك كاسىپكەرلەردى، اسىرەسە سەرتيفيكاتتاۋ، زەرتحانا سۋبەكتىلەرىن ارىپتەستىككە، زەرتحانالىق بازانى جاڭعىرتۋعا ينۆەستيتسيا سالۋعا شاقىردى.

بۇگىندە ۇلتتىق اككرەديتتەۋ ورتالىعىنىڭ اقپاراتى بويىنشا قازاقستاندا رۇقساتى بار سىناق زەرتحانالارىنىڭ سانى – 882.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

ۇقساس جاڭالىقتار