«جالعان ۆاكتسينا پاسپورتتارى مەن پتر-انىقتاماسىن دايىنداۋ جانە ساتۋمەن اينالىساتىن ادامداردى انىقتاۋ ماقساتىندا ىشكى ىستەر مينيسترلىگىنىڭ جاۋاپتى قۇرىلىمدىق بولىنىستەرى ءتيىستى جۇمىستاردى ۇنەمى جۇرگىزىپ كەلەدى. جالعان قۇجاتتاردى ساتۋ بويىنشا بەرىلگەن حابارلاندىرۋلاردى انىقتاۋ ءۇشىن ينتەرنەت جەلىسىنە, الەۋمەتتىك جەلىلەرگە جانە مەسسەندجەرلەرگە مونيتورينگ جۇرگىزىلەدى», دەپ اتاپ وتەدى مينيسترلىكتەن.
ۆەدومستۆو مالىمەتىنشە, جىل باسىنان بەرى ىشكى ىستەر ورگاندارىندا بارلىعى 321 ءىس تىركەلدى. ونىڭ ىشىندە پتر-تەستى قولدان جاساۋ بويىنشا – 114 فاكت, ۆاكتسينا پاسپورتتارىن قولدان جاساۋ بويىنشا 207 فاكت بار.
«بۇل قۇقىق بۇزۋشىلىق ءۇشىن قر قىلمىستىق كودەكسىنىڭ 385-بابى بويىنشا جالعان قۇجات جاساعاندارعا 4 جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك, ال ونى پايدالانعانى ءۇشىن 40 تاۋلىككە دەيىن قاماۋعا الۋ قاراستىرىلعان», دەلىنگەن تاراتىلعان اقپاراتتا.
