قىرعىزستان ۇكىمەتىنىڭ ءباسپاسوز قىزمەتى 1 جەلتوقساننان باستاپ ەلگە كىرگەن كەزدە ۆاكتسيناتسيا مارتەبەسىنە قاراماستان كوروناۆيرۋسقا تەرىس پتر-تەست بولۋى كەرەك دەپ حابارلايدى. ەرەجە شەتەلدىكتەرگە دە, قىرعىزستاندىقتارعا دا قاتىستى.
قىرعىزستان رەسپۋبليكاسىنىڭ دەنساۋلىق ساقتاۋ مينيسترلىگى تىزىمدەردى ۇقك شەكارا قىزمەتىنە بەرۋ ءۇشىن «وميكرونمەن» جۇقتىرۋ وشاقتارى انىقتالاتىن ەلدەردەگى ەپيدەميولوگيالىق احۋالدى قاداعالايتىن بولادى.
«مۇنداي ەلدەردىڭ ازاماتتارىنا قىرعىز رەسپۋبليكاسىنىڭ اۋماعىنا كىرۋگە تىيىم سالىنادى», دەپ جازادى قىرعىز رەسپۋبليكاسىنىڭ ۇكىمەتى.
بۇل جاڭا شتاممنىڭ قىرعىزستانعا اكەلىنۋىنە جانە ودان ءارى تارالۋىنا جول بەرمەۋ ءۇشىن جاسالاتىنى ايتىلدى.
مينيسترلىكتەرگە «وميكرونعا» بايلانىستى ەپيدەميولوگيالىق احۋال شيەلەنىسكەن جاعدايدا تولىق ازىرلىكتە بولۋ تاپسىرىلدى.
