ايماقتار • 29 قاراشا، 2021

شىمكەنتتە تۇڭعىش پرەزيدەنت كۇنىنە ارنالعان مەرەكەلىك شارا ءوتتى

80 رەت كورسەتىلدى

شىمكەنت قالاسىندا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «ەل تىرەگى - ەلباسى» اتتى مەرەكەلىك شارا جوعارى دەڭگەيدە اتالىپ ءوتتى. مەملەكەتتىك انۇرانمەن باستاۋ العان سالتاناتتى جيىن ەلباسى تۋرالى تۇسىرىلگەن دەرەكتى ءفيلمنىڭ كورسەتىلىمىمەن جالعاسىن تاپتى، دەپ حابارلايدى Egemen.kz شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

بارشا قالا تۇرعىندارىن 1 جەلتوقسان - قازاقستاننىڭ تۇڭعىش پرەزيدەنتى كۇنىمەن قۇتتىقتاعان قالا اكىمى مۇرات ايتەنوۆ مەرەكەنىڭ ءمان-ماڭىزىنا توقتالدى. 

«وزدەرىڭىز بىلەسىزدەر، 1991 جىلعى 1 جەلتوقساندا وتكەن العاشقى جالپىحالىقتىق سايلاۋدا نۇرسۇلتان ءابىش ۇلى نازارباەۆ قازاقستاندىقتاردىڭ 98،7 پايىزدىق قولداۋىمەن قازاقستان رەسپۋبليكاسىنىڭ پرەزيدەنتى مانداتىن يەلەندى. قازاق حالقىنىڭ عاسىرلار بويى اڭساعان تاۋەلسىز ەل بولۋ ءۇمىتى قايتا جاندى. شەشۋشى ساتتە ەل تىزگىنىن العان نۇرسۇلتان ءابىش ۇلى، وسىدان 30 جىل بۇرىن كەدەرگىنى – مۇمكىندىككە، تاۋەكەلدى – تابىسقا اينالدىردى. وسىلايشا قازاق حالقى مەملەكەتتىك تاۋەلسىزدىگىن جاريالاپ، اسقاق ارمانعا قول جەتكىزدى. مەملەكەتتىك تۋىمىز تۇعىرعا قوندى، ەلتاڭبا مەن گيمن – ماقتانىشىمىز بولىپ بەكىدى. ۇلتتىق ۆاليۋتا – تەڭگە ەكونوميكالىق قورىمىزدى قالىپتاستىردى. كونستيتۋتسيامىز قابىلدانىپ، مەملەكەتتىك قۇرىلىمنىڭ نەگىزدەرى ايقىندالدى. ەڭ باستىسى، قازاقستاننىڭ  تۇڭعىش پرەزيدەنتى ەل تاريحىندا العاش رەت زاڭ جۇزىندە راسىمدەلگەن جانە الەم مويىنداعان 13 400 شاقىرىمدىق مەملەكەتتىك شەكارانى بەكىتتى. ەل شەبىن قورعاۋ، مەملەكەت تۇتاستىعىن ساقتاۋ ءۇشىن قازاقستاننىڭ قارۋلى كۇشتەرىن قۇردى»، دەدى قالا اكىمى. 

ا

سونىمەن بىرگە اكىم ءتۇرلى سالادا ۇزدىك ەڭبەك اتقارىپ جۇرگەن بىرقاتار ازاماتتاردى العىس حاتپەن ماراپاتتادى. 

مەرەكەلىك كونتسەرتتە قازاقستاننىڭ ەسترادا جۇلدىزدارى روزا رىمباەۆا، مادينا سادۋاقاسوۆا، ەركە ەسماحان، جۇبانىش جەكسەن ۇلى، جانبولات پەن جازيرا ونەر كورسەتىپ، ماڭىزدى مەرەكەنىڭ مارتەبەسىن اسقاقتاتتى. 

اپ

سونىمەن بىرگە كورەرمەن نازارىنا «ەلباسى جولى» فيلمىنەن، ستۋدەنتتىك شاعىنان، ەلوردانىڭ سالىنىپ جاتقان كەزىنەن جانە تاۋەلسىزدىك جىلدارىنداعى جەتىستىكتەرىنەن بەينە كادرلار ۇسىنىلدى. 

سالتاناتتى جيىن سوڭىندا بارلىق قاتىسۋشىلار ءسوزىن - ن.نازارباەۆ، ءانىن ب.تىلەۋحان جازعان «ەلىم مەنىڭ» ءانىن ورىندادى.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار