قوعام • 29 قاراشا، 2021

بۇۇ ۆولونتەرلەرىن جۇمىلدىرۋدىڭ حالىقارالىق جىلى جاريالانۋى مۇمكىن

22 رەت كورسەتىلدى

بۇل تۋرالى نۇر-سۇلتاندا ءوتىپ جاتقان ۆولونتەرلەردىڭ حالىقارالىق كۇنىنە ارنالعان قورىتىندى ءماجىلىس بارىسىندا ايتىلدى، دەپ حابارلايدى Egemen.kz اقپارات جانە قوعامدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ. 

ءىس-شاراعا قر پارلامەنتى ءماجىلىسىنىڭ دەپۋتاتى ۆەرا كيم، اقدم ازاماتتىق قوعام ىستەرى كوميتەتىنىڭ توراعاسى ماديار قوجاحمەت، وڭىرلىك فرونت-وفيستەر مەن ۇەۇ وكىلدەرى قاتىسۋدا.

كەزدەسۋ بارىسىندا قاتىسۋشىلار وڭىرلىك فرونت-وفيستەردىڭ جۇمىسى جانە 2021 جىلعى جۇمىس قورىتىندىلارى تۋرالى حاباردار ەتىپ، ۆولونتەر جۇمىسىنداعى قىزىقتى تاجىريبەلەرىمەن ءبولىستى.

جالپى، قاتىسۋشىلار پاندەميا كەزىندەگى ۆولونتەرلىك ماسەلەلەرىن، ۆولونتەرلىكتى ودان ءارى دە قولداۋ شارالارى مەن ۆولونتەرلىك قىزمەتتى جۇزەگە اسىرۋداعى وزەكتى ماسەلەلەردى جان-جاقتى تالقىلادى. سونىمەن قاتار، كونفەرەنتسيادا ۆولونتەرلىكتى قولداۋدىڭ بىرىڭعاي ستاندارتىن، ۆولونتەرلىك قىزمەتتىڭ ءتۇرلى باعىتتارى بويىنشا وقىتۋ باعدارلاماسىن، سونداي-اق وزىق تاجىريبە جيناعىن تانىستىرۋ جوسپارلاندى.

ماديار قوجاحمەت ۆولونتەرلەردى كەلە جاتقان مەرەكەمەن قۇتتىقتاپ، ۆولونتەرلىكتىڭ الەمدەگى ماڭىزدى ءرولىن اتاپ ءوتتى. اتاپ ايتقاندا، ول جۇرگىزىلىپ جاتقان جۇمىستار تۋرالى ايتىپ، ۆولونتەرلەردىڭ قۇقىقتارىن كەڭەيتۋ جانە ىنتالاندىرۋ ماسەلەسىنە زاڭنامالىق تۇزەتۋلەر ەنگىزۋ قارالىپ جاتقانىن ايتتى.

سونىمەن قاتار، ۆولونتەرلىكتى قولداۋ ستاندارتى مەن ارنايى دايىندىق باعدارلاماسى ازىرلەنۋدە. الداعى اۋقىمدى ماقساتتاردىڭ قاتارىندا ماديار قوجاحمەت مەملەكەت باسشىسى ق.ك.توقاەۆتىڭ بۇۇ ۆولونتەرلەرىن جۇمىلدىرۋدىڭ حالىقارالىق جىلىن جاريالاۋ تۋرالى باستاماسىن ىسكە اسىرۋدى اتادى.

«ۆولونتەرلەر كۇندەلىكتى قوعامدىق، الەۋمەتتىك، تۇرمىستىق ماسەلەلەردى شەشۋدە ۇنەمى الدىڭعى قاتاردا ءجۇر. بۇل - قاراپايىم ازاماتتاردىڭ باعا جەتپەس ەڭبەگى جانە ناعىز ءپاتريوتيزمنىڭ سيمۆولى. مەملەكەت ۆولونتەرلىكتى ازاماتتىق قوعامنىڭ اۋقىمدى ينستيتۋتى رەتىندە قولداۋدى جالعاستىرۋدى كوزدەيدى. بۇل ءبىزدىڭ حالقىمىزدىڭ ءال-اۋقاتىن ارتتىرۋعا ىقپال ەتەدى»،  دەدى قر اقدم ازاماتتىق قوعام ىستەرى كوميتەتىنىڭ توراعاسى.

ءىس-شارانى اقپارات جانە قوعامدىق دامۋ مينيسترلىگى، «رۋحاني جاڭعىرۋ» قازاقستاندىق قوعامدىق دامۋ ينستيتۋتى، كەاق جانە «Birgemiz» رەسپۋبليكالىق ۆولونتەرلەر فرونت-ءوفيسى بىرلەسىپ ۇيىمداستىردى.

سوڭعى جاڭالىقتار

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار