سوت بارىسىندا نۇسقاۋشى ت باسسەينگە كەلۋشىلەردىڭ قاۋىپسىزدىگىن قامتاماسز ەتۋدەگى مىندەتتەرىن دۇرىس ورىنداماي, سونىڭ سالدارىنان ە سۋعا باتىپ, قازا تاپقان. سوت وتىرىسىندا پروكۋرور ت-نى 5 جىلعا باس بوستاندىعىنان ايىرۋدى, ال زارداپ شەگۋشى تاراپ ونى 8 جىلعا سوتتاۋدى سۇرادى.
سوتتالۋشى ءوز كىناسىن مويىنداعان جوق جانە ارەكەتىندە قىلمىس قۇرامىنىڭ جوقتىعىنا بايلانىستى, ءىستى توقتاتۋدى ءوتىندى. سوت ت-نىڭ زارداپ شەگۋشىگە مەديتسينالىق كومەك كورسەتۋگە تىرىسۋىن ونىڭ كىناسىن جانە جازانى جەڭىلدەتەتىن شارا دەپ تانىدى.
قر قك 306-بابى 3-تارماعىندا كوزدەلگەن قىلمىستىق قۇقىق بۇزۋشىلىق ابايسىزدا جاسالعان قىلمىسقا جاتادى. وندا 4-تەن 8 جىلعا دەيىن باس بوستاندىعىنان ايىرۋ جازاسى قاراستىرىلعان.
«اتالعان ىسكە قاتىستى جازا 4 جىلدان اسپاۋى ءتيىس. سوت سوتتالۋشىنىڭ جەكە باسىن, زارداپ شەگۋشى تاراپتىڭ ۇستانىمىن قاپەرگە الا وتىرىپ, ت-نى 4 جىلعا باس بوستاندىعىنان ايىردى.
باسسەين يەگەرى «ارناۋلى قامتاماسىز ەتۋ ورتالىعى» جشس-نان زارداپ شەگۋشى تاراپقا 10 ملن تەڭگە مورالدىق زالال وتەماقىسى ءوندىرىپ الىندى. سوت ۇكىمى زاڭدى كۇشىنە ەنگەن جوق», دەلىنگەن استانا قالالىق سوتى تاراتقان اقپاراتتا.
