تەرگەۋ امالدارى جۇرگىزىلۋدە

جاقىندا قورداي شەكارا وتريادىنا قاراستى «سورتوبە» زاستاۆاسىنىڭ جاساعى قازاق-قىرعىز شەكاراسى ارقىلى جىلقىلاردىڭ وتكەنىن بايقادى. ناقتىراق ايتقاندا, اسكەري كەزەكشىلىك كەزىندە قازاقستاندىق ساربازدار شەكاراداعى ينجەنەرلىك قورشاۋدىڭ بۇزىلعاندىعىن, سول ارقىلى بىرنەشە جىلقىنىڭ كورشى ەلدەن بەرى قاراي وتكەن ىزدەرىن انىقتادى. شۇعىل تۇردە ءىز كەسۋ جۇمىس­تارى ۇيىمداستىرىلدى, ءناتي­جەسىندە الگى ىزدەر قاراكەمەر اۋى­لىنداعى مال سوياتىن ورىن­عا الىپ كەلدى. ءىز بويىنشا ساناعاندا جىلقىلاردىڭ 15 باس ەكەندىگى انىقتالدى. الايدا, مالدى قايتارۋ كەزىندە جەر­گىلىكتى تۇرعىندار (100 شاقتى ادام) قارسىلىق كورسەتىپ, جىلقىلاردى سويا باستادى. قۇقىق قورعاۋ ورگاندارىنا حابار بەرىلەدى. اتالعان ورىنعا قورداي اۋدانىنىڭ پروكۋرورى كەلەدى. ءىستىڭ اق-قاراسىن انىقتاۋ ءۇشىن شەكارا قىزمەتى ورتالىق اپ­پاراتىنىڭ, پروكۋراتۋرانىڭ وكىل­دەرى, قاراكەمەر اۋىلىنىڭ اكىمى جانە وزدەرىن مالدىڭ يەسى سانايتىن ادامدارمەن بىرگە اكىمدىككە كەلىپ, مال ەسەبىن ءجۇر­گىزەتىن كىتاپتى تەكسەردى, ال وندا 2013-2014 جىلدارى ءتىپتى ەشقانداي مال تىركەلمەگەن بولىپ شىقتى. تەكسەرۋ بارىسىندا ۆەتەريناريا وكىلى جالعان انىقتاما بەرگەندىگى, تىركەۋ جۇمىستارى مال يەلەرى­نىڭ قۇجاتتارىنسىز ءاتۇستى ءجۇر­گىزىلگەندىگى انىقتالدى. تەكسەرۋ ناتيجەسىندە, امان قالعان 7 باس جىلقىنى «قارا­كەمەر» كومەنداتۋراسىنا اكەتۋگە شەشىم قابىلداندى. اتالعان دەرەك بويىنشا تەرگەۋ امالدارى جۇرگىزىلۋدە. «ەگەمەن-اقپارات».