«بۇگىنگى كۇنى اكىمدىكتەردىڭ اقپاراتى مەن باس پروكۋراتۋرانىڭ سايتىندا ورنالاستىرىلاتىن مالىمەتتەرگە سايكەس نۇر-سۇلتان, الماتى, شىمكەنت قالالارىنىڭ اكىمدىكتەرىن قوسپاعاندا, جاو گاز جانە گازبەن جابدىقتاۋ سالاسىنداعى مەملەكەتتىك باقىلاۋدى جەتكىلىكسىز دەڭگەيدە جۇزەگە اسىرادى. سونداي-اق كاسىپكەرلىك كودەكستە كوزدەلگەن تەكسەرۋ ءىس-شارالارى جوسپارلانبايدى جانە جۇرگىزىلمەيدى», دەدى ول.
ونىڭ سوزىنشە, بىرقاتار اكىمدىك, سونىڭ ىشىندە اقمولا, الماتى, اتىراۋ, قاراعاندى, پاۆلودار, سولتۇستىك قازاقستان وبلىستارى گاز جانە گازبەن جابدىقتاۋ سالاسىندا مەملەكەتتىك باقىلاۋدى جۇزەگە اسىرۋ كەزىندە ۇيىمداستىرۋشىلىق پروبلەمالاردىڭ بولۋىن, شتات بىرلىكتەرىنىڭ جەتىسپەۋشىلىگىن جانە قوسىمشا ءبىلىم بەرۋ مۇمكىندىگىنىڭ بولماۋىن اتاپ وتكەن.
«جەرگىلىكتى ورگاننىڭ بىرقاتارىندا اۋداندىق اكىمدىكتەر دەڭگەيىندە گاز جانە گازبەن جابدىقتاۋ سالاسىندا مەملەكەتتىك باقىلاۋدى جۇزەگە اسىرۋ ءۇشىن بۇگىنگى كۇنگە دەيىن ءتيىستى بولىمشەلەر قۇرىلماعان», دەپ ايتتى تجم وكىلى مەرەكە پىشەمباەۆ.
