شقو پوليتسيا دەپارتامەنتى ءباسپاسوز قىزمەتى تاراتقان مالىمەتكە زەر سالساق, پوليتسەيلەر ۇلان اۋدانى تۇرعىنىنىڭ ۇيىندە زاڭدى تەكسەرىس جۇرگىزگەن. بەلگىلى بولعانداي, ۇيدە زاڭسىز ساقتالعان اتىس قارۋىنىڭ بىرنەشە ءتۇرى مەن وق-دارىلەر تابىلعان.
«بارلىعى 4 مىلتىق تاركىلەندى. ناقتى ايتقاندا, كاليبرى 5,6 مم «توز» ماركالى ءبىر ويىق مىلتىق جانە 16 كاليبرلى تەگىس ۇڭعىلى ءۇش مىلتىق. اتالعان فاكتى بويىنشا 54 جاستاعى كۇدىكتىگە قاتىستى قر قك-ءنىڭ 287 بابى 3 بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە», دەدى وبلىستىق پد باستىعىنىڭ ورىنباسارى تالعات شاياحمەتوۆ.
ەگەر ازامات ايىپتى بولىپ تانىلسا, 5 جىلعا دەيىنگى مەرزىمگە باس بوستاندىعىنان ايىرىلۋى ىقتيمال.
