ىنتىماقتاستىق جوسپارى بەلگىلەندى

قازاقستانداعى ادام قۇقىقتارى جونىندەگى ۋاكىل (ومبۋدسمەن) اسقار شاكىروۆ استاناداعى ەقىۇ ورتالىعىنىڭ باسشىسى ەلشى ناتاليا زارۋدنايامەن كەزدەستى. كەزدەسۋ بارىسىندا ومبۋدسمەن جانە ءبىزدىڭ ەلىمىزدەگى ەقىۇ وكىلدىگى اراسىنداعى 2014 جىلعا ارنالعان ىنتىماقتاستىق جوس­پارى تالقىلاندى, سونداي-اق, ەكىجاقتى ءوزارا ارەكەتتەسۋدىڭ پەرسپەكتيۆالارى, نەگىزگى باعىتتارى مەن ونى ىسكە اسىرۋ نىساندارى تۋرالى پىكىر الماسۋ ءوتتى. بۇدان بۇرىن قۇقىق قورعاۋ سيپاتىندا جۇزەگە اسىرىلعان بىرقاتار ماڭىزدى ءىس-شارالاردى وتكىزۋگە مۇمكىندىك تۋعىزعان ورتاق جۇمىس ناتيجەلەرىنە وڭ باعا بەرىلدى, سونىڭ ىشىندە قازاقستاندا جانە شەتەلدەردە ومبۋدسمەننىڭ جۇمىسى تۋرالى ەسەپتەردىڭ كوپشىلىك الدىنداعى تۇساۋكەسەرى بار. – ەقىۇ ورتالىعىنىڭ قازاقستاندىق ومبۋدسمەن ينستيتۋتىنا كورسەتىپ جاتقان كوپ جىلعى قولداۋى, ارينە, ۇلتتىق قۇقىق قورعاۋ مەكەمەسىنىڭ نىعايۋىنا جاعىمدى اسەرىن تيگىزدى. ونىڭ جالعاسۋى ەل دامۋىنىڭ ۇزاقمەرزىمدى ستراتەگيالىق ماقساتتارىنا قول جەتكىزۋگە سەپتىگىن تيگىزەتىن فاكتور بولاتىنىنا سەنىمدىمىن, دەدى ا.شاكىروۆ. ءوز كەزەگىندە ەلشى ن.زارۋدنايا قازاق­ستانداعى ومبۋدسمەن ينستيتۋتىنىڭ دامۋىنا ونىڭ باسشىلىق ەتكەن ءوفيسىنىڭ كورسەتىپ جاتقان قولداۋىنا تۇتاس ۇلتتىق قۇقىق قورعاۋ جۇيەسىنىڭ قۇرامداس بولىگى رەتىندە زور ءمان بەرەتىنىن اتاپ ءوتتى. كەزدەسۋ قورىتىندىسى بويىنشا تاراپتار ءوزارا ارەكەتتەسۋدىڭ نەگىزگى باعىتتارىن انىقتاپ, بىرقاتار ناقتى بىرلەسكەن ءىس-شارالاردى بەلگىلەدى جانە ەكىجاقتى ىنتى­ماقتاستىقتى جالعاستىرۋ تۋرالى ورتاق كەلىسىمگە كەلدى, دەپ حابارلادى قازاقستان رەسپۋبليكاسىنداعى ادام قۇقىقتارى ءجو­نىندەگى ۋاكىل اپپاراتىنىڭ ءباسپاسوز قىزمەتى.