مۇددەلەستىك ورايىنداعى اڭگىمە

قازاقستاننىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى قايرات سارىباي ياسجتشۇ اتقارۋشى حاتشىسى لاسسينا زەربوعا سەنىم گراموتاسىن تابىس ەتتى. قازاقستان وكىلى يادرولىق سىناقتارعا جاپپاي تىيىم سالۋ جونىندەگى شارت ۇيىمىنىڭ (ياسجتشۇ) اتقارۋشى حاتشىسىمەن اڭگىمە بارىسىندا ورتاق مۇددەگە جاتاتىن بىرقاتار ماسەلەلەردى تالقىلادى. ق.سارىباي يادرولىق قا­رۋدى تاراتپاۋ رەجىمىنىڭ نەگىزگى ەلەمەنتتەرىنىڭ ءبى­­رى رەتىندە يادرولىق سى­ناق­­­­تارعا جاپپاي تىيىم سالۋ جونىندەگى شارت­قا قازاقستاننىڭ تۇراقتى قولداۋىن اتاپ ءوتتى. مەم­لەكەتىمىز اۋماعىندا  ۆەنا قالا­سىنداعى ياسجتشۇ حا­لىق­ارالىق دەرەكتەر ور­تالىعىنا ءتيىستى اقپا­رات­تاردى جىبەرىپ وتىراتىن ءتورت سەيسميكالىق جانە ءبىر ين­فرادىبىستىق باقىلاۋ ستانسالارى ورناتىلعان. ق.سارىباي ءۇشىن اتالعان ماسەلەلەردەگى ەلىمىزدىڭ وزىق ۇستانىمى مەن بۇۇ باس اسسامبلەياسىنىڭ حا­لىقارالىق يادرولىق سى­ناقتارعا قارسى ارەكەت كۇنى جانە «اتوم» جوبا­سىن جاريالاۋىن قوسا العاندا, قازاقستان باسقا مۇشە مەملەكەتتەر ءۇشىن يادرولىق قارۋسىزدانۋ جانە تاراتپاۋ ماسەلەلەرى بويىنشا ۇلگى مەملەكەت بولىپ تابىلاتىنىن اتاپ ءوتتى. ءوز كەزەگىندە ل.زەربو قا­زاقستاننىڭ جاھاندىق يادرولىق قاۋىپسىزدىككە قوس­قان تاريحي ۇلەسىن, سونداي-اق, ەلىمىزدىڭ ۇي­ىم­نىڭ قىزمەتى مەن الە­ۋەتىن ارتتىرۋعا قاتى­سۋى­مىزدى اتاپ كەتتى. ات­قا­­رۋشى حاتشىنىڭ ءپى­كى­رىن­شە, قازاقستان پرە­زي­دەنتى ن.نازارباەۆتىڭ باس­تاماشىلىقتارى جاھاندىق يادرولىق قاۋىپسىزدىك پەن يادرولىق قارۋسىزدانۋعا ايتارلىقتاي ۇلەسىن قوسۋدا. يادرولىق سىناقتارعا جاپپاي تىيىم سالۋ ءجو­نىندەگى شارتقا قول قويۋ نيۋ-يورك قالاسىندا 1996 جىلعى 24 قىركۇيەكتە اشىلدى. ياسجتشۇ-عا ءساي­كەس, ءاربىر مۇشە مەملەكەت يادرولىق قارۋدىڭ سىناق جارىلىسىن جۇرگىزبەۋگە, ءوز قۇزىرەتىندەگى نەمەسە باقىلاۋىنداعى كەز كەل­گەن جەردە يادرولىق جارى­لىس­تارعا تىيىم سالۋعا جانە الدىن الۋعا مىندەتتى. قازىرگى تاڭدا شارتقا 183 مەملەكەت قول قويىپ, 163-ءى بەكىتكەن. كەلىسىمنىڭ كۇشىنە ەنۋى ءۇشىن يادرولىق الەۋەتكە يە 44 مەملەكەت تاراپىنان بەكىتىلۋى قاجەت. كەلىسىمگە ءۇندىستان, كحدر جانە پاكىستان قول قويعان جوق, ال ەگيپەت, ءۇندىستان, يران, يزرايل, قحر, كحدر, پاكىستان جانە اقش بەكىتۋدەن وتكىزگەن جوق. قازاقستان كەلىسىمگە 1996 جىلعى 30 قىركۇيەكتە قول قويىپ, 2001 جىلعى 14 جەل­توقساندا بەكىتتى. «ەگەمەن-اقپارات».