كۇن ءتارتىبى ناقتىلاندى

پالاتا سپيكەرى نۇر­لان نىعماتۋليننىڭ ءتورا­عا­­لى­عىمەن وتكەن ءماجىلىس بيۋرو­سىندا جالپى وتىرىستا قا­رالاتىن ماسەلەلەر بەلگى­لەندى, دەپ حابارلادى وسى پالاتانىڭ ءباسپاسوز قىزمەتى. پالاتا قاراۋىنا «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭعا وزگەرىستەر ەنگىزۋ ماسەلەسى ءبىرىنشى وقىلىمعا شىعارىلادى. سالالىق كوميتەتتىڭ بايانداۋىنشا, قۇجات سۋديالاردىڭ تاۋەلسىزدىگىنىڭ مارتەبەسى مەن سۋديالىق قىزمەتكە ۇمىتكەرلەردى بايقاۋ ارقىلى ىرىكتەۋ جۇيەسىن دامىتۋعا جانە سۋديالىق قىزمەتكە ۇمىتكەرلەردى تاڭداۋداعى قوعامنىڭ ءرولىن جەتىلدىرۋگە باعىتتالعان. جالپى وتىرىستىڭ كۇن ءتار­تى­بىنىڭ جوباسىنا ءبىرىنشى وقىلىمعا اكىمشىلىك قۇقىق بۇزۋشىلىق تۋرالى كودەكسكە وزگەرىستەر ەنگىزۋ قوسىلدى. سونىمەن قاتار, 2011 جىل­عى 18 قازانداعى ەركىن ساۋدا ايماعى تۋرالى شارتتى ونىڭ تاراپتارى مەن وزبەكستان رەسپۋب­ليكاسىنىڭ اراسىندا قول­دانۋ تۋرالى حاتتامانى راتيفي­كا­تسيا­لاۋعا قاتىستى زاڭ جوباسى دا بار. وسىلارمەن قاتار, پالاتاعا قازاقستان-وزبەكستان اراسىنداعى ستراتەگيالىق ارىپتەستىك تۋرالى شارتتى راتيفيكاتسيالاۋ تۋرالى زاڭ جوباسىنا قورىتىندى ازىرلەۋ مەزگىلىن ناقتىلاۋ ۇسىنىلدى.