الەم • 28 قاراشا، 2021

قىرعىزستاندا جوگوركۋ كەنەش دەپۋتاتتارىن سايلاۋ باستالدى

64 رەت كورسەتىلدى

بۇگىن، 28 قاراشادا قىرعىزستاندا جوگوركۋ كەنەش دەپۋتاتتارىن سايلاۋ باستالدى، دەپ حابارلايدى Egemen.kz كابارعا سىلتەمە جاساپ.

وسك وكىلى نۇرجان شايلدابەكوۆا حابارلاعانداي، جوگوركۋ كەنەشتىڭ جاڭا قۇرامى 90 دەپۋتاتتان تۇرادى، ولار ارالاس سايلاۋ جۇيەسى بويىنشا 5 جىل مەرزىمگە سايلانادى.

ماسەلەن، جوگوركۋ كەنەشتىڭ 54 دەپۋتاتى بىرىڭعاي سايلاۋ وكرۋگى بويىنشا پروپورتسيونالدى جۇيە ارقىلى (ساياسي پارتيالار كانديداتتارىنىڭ اشىق تىزىمدەرى بويىنشا) سايلانادى، 36 دەپۋتات ءبىر مانداتتى سايلاۋ وكرۋگتەرىندە ماجوريتارلىق جۇيە بويىنشا سايلانادى.

وسك وكىلى نۇرجان شايلدابەكوۆانىڭ ايتۋىنشا، قىرعىزستاندا 2 435 سايلاۋ ۋچاسكەسى اشىلدى. شەتەلدە 59 سايلاۋ ۋچاسكەسى جۇمىس ىستەيدى.

«بارلىق سايلاۋ ۋچاسكەلەرى قاجەتتى جابدىقتارمەن جانە ماتەريالدارمەن جابدىقتالعان»، دەدى ول.

ول ءبىر وكرۋگ بويىنشا سايلاۋشىلاردىڭ جالپى سانى 3 ملن 703 مىڭ 420 سايلاۋشىنى قۇرايتىنىن اتاپ ءوتتى. ءبىر مانداتتى وكرۋگ بويىنشا - 3 ملن 619 مىڭ 292 (شەتەلدە تىركەلگەن سايلاۋشىلاردى ەسەپتەمەگەندە).

ونىڭ ايتۋىنشا، داۋىس بەرۋ بارىسىنا مونيتورينگ جۇرگىزۋ ءۇشىن وسك 736 حالىقارالىق بايقاۋشىنى اككرەديتتەدى.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار