قازاقستان • 27 قاراشا، 2021

امەريكالىق ساراپشىلار قازاقستاننىڭ ءدىني سەنىم بوستاندىعىن باعالادى

52 رەت كورسەتىلدى

امەريكالىق ساراپشىلار ەلىمىزدىڭ ءدىني سەنىم بوستاندىعىن قامتاماسىز ەتۋ سالاسىنداعى باعىتىنا وڭ باعا بەردى، دەپ حابارلايدى Egemen.kz قر سىرتقى ىستەر مينيسترلىگىنە سىلتەمە جاساپ.

اقش-تىڭ حالىقارالىق ءدىن بوستاندىعى جونىندەگى كوميسسياسى (USCIRF) «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسىنا رەسمي تۇسىنىكتەمە جاريالادى.

اتالعان تۇسىنىكتەمەگە سۇيەنسەك، امەريكالىق ساراپشىلار ەلىمىزدىڭ ءدىني سەنىم بوستاندىعىن قامتاماسىز ەتۋ سالاسىنداعى باعىتىن جاعىمدى باعالادى.

ء«بىز قازاقستان ۇكىمەتىنە ءدىني سەنىم بوستاندىعى سالاسىنداعى رەفورمالاردى جالعاستىرىپ كەلە جاتقانى ءۇشىن العىس ايتامىز»، دەپ جازىلعان تۇسىنىكتەمەدە.

كوميسسيانىڭ پىكىرىنشە، زاڭ جوباسى قازاقستاننىڭ اتالعان باعىتتا ناقتى ىلگەرىلەۋشىلىككە قول جەتكىزۋدەگى ۇزدىكسىز كۇش-جىگەرىن كورسەتەدى. ديالوگتىڭ ءدىني سەنىم بوستاندىعى ماسەلەلەرى جونىندەگى قازاقستان - اقش جۇمىس ساراپتاۋ توبىنىڭ اياسىندا ءتيىمدى جالعاساتىنىنا ءۇمىت ءبىلدىردى.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار