اقتوبە وبلىستىق تجد ءباسپاسوز قىزمەتىنىڭ اقپاراتىنا سايكەس, ءىز-ءتۇزسىز جوعالىپ كەتكەن گەولوگتار قىستاقتان تابىلدى.
«بۇگىن ساعات 14:50-دە جوعالىپ كەتكەن گەولوگتار بايلانىسقا شىعىپ, «قيسىقساي» قىستاعىندا ورالاسقاندارى جونىندە حابارلادى. قازىر ولاردىڭ جاعدايلارى جاقسى, مەديتسينالىق كومەك قاجەت بولمادى.
«قازىرگى ۋاقىتتا گەولوگتار ايتەكە بي اۋدانىنىڭ قارابۇتاق اۋىلىنا جەتكىزىلۋدە», دەپ حابارلادى وبلىستىق تجد ءباسپاسوز قىزمەتى.
ەسكە سالا كەتسەك, 26 قاراشادا 4 گەولوگقا ىزدەۋ جاريالاندى. ولار 25 قاراشادا سوڭعى رەت بايلانىسقا شىعىپ, كەيىن حابار-وشارسىز كەتكەن. ولاردىڭ ىزدەستىرىلۋىنە قۇرامىندا 33 ادام مەن 8 بىرلىك تەحنيكادان تۇراتىن 5 ىزدەۋ توبى جۇمىلدىرىلدى. ال بۇگىن اقتوبە-قۇمساي-قايراقتى-قايىڭدى-ميلىساي-ارالتوعاي باعىتتارى بويىنشا اۆيا ىزدەۋ ءۇشىن تجم «قازاۆياقۇتقارۋ» اق ەۆروكوپتەرى ۇشتى.
