جۇرگىزۋشى ۇنەمى اينالاسىنا قاراپ, قاتتى ك ۇلىپ وتىرعان.
پوليتسەيلەر جۇرگىزۋشىنىڭ مۇنداي مىنەزىن كۇدىكپەن قابىلداپ, اۆتوبۋستى توقتاتتى. تەكسەرۋ كەزىندە قىرىق جاستاعى جۇرگىزۋشى ەسىرتكى قابىلداعان كۇيدە بولدى.
مەديتسينالىق كۋالاندىرۋ بۇنى راستادى, جۇرگىزۋشى ەسىرتكىگە ماسايعان كۇيىندە اۆتوبۋستى تىزگىندەگەن.
انىقتالعانداي, ەر ادام قالالىق جشس-ءنىڭ بىرىندە جۇمىس ىستەيدى. سول ءتۇنى ول اۋىسىمعا شىعىپ, قالعان جۇمىسشىلارعا بەت العان.
«جۇرگىزۋشى ءوزىن اقتاۋ ءۇشىن, ەسىرتكىنى اۋىرسىنۋدى باساتىن قۇرال رەتىندە قابىلداعانىن ايتتى», دەيدى پاۆلودار وبلىسى پد ءباسپاسوز قىزمەتى.
اتالعان فاكتىگە قاتىستى قر اقبك 608-بابىنىڭ 1-بولىگى بويىنشا اكىمشىلىك ءىس قوزعالدى. كولىك قۇرالى ارنايى ايىپ تۇراعىنا قامالدى. سوت قاۋلىسىمەن جۇرگىزۋشى جەتى جىل مەرزىمگە كولىك قۇرالدارىن جۇرگىزۋ قۇقىعىنان ايىرىلىپ, 15 تاۋلىك مەرزىمگە اكىمشىلىك قاماۋعا الىندى.
