ۇەۇ اراسىندا «تاڭداۋ» سىيلىعى بيىل العاش رەت 15 نوميناتسيا بويىنشا وتكىزىلىپ وتىر. بايقاۋدىڭ نەگىزگى يدەياسى – 10 جىلدان استام تاجىريبەسى بار قازاقستاندىق ۇەۇ قىزمەتىنىڭ جەتىستىكتەرىن الەۋمەتتىك جانە قوعامدىق ومىرگە, قازاقستاننىڭ تاۋەلسىزدىگىن نىعايتۋ مەن ازاماتتىق قوعامدى قالىپتاستىرۋدا قوسقان ۇلەستەرىن كوپشىلىككە جاريا ەتۋ.
15 نوميناتسيا بويىنشا جەڭىمپازدار انىقتالدى:
1. ء«بىلىم, عىلىم, اقپارات, دەنە شىنىقتىرۋ جانە سپورت سالاسىنداعى ماقساتتارعا قول جەتكىزۋ» - باتىس قازاقستان وبلىستىق مۇگەدەك بالالاردىڭ قوعامدىق بىرلەستىگى.
2. «ازاماتتاردىڭ دەنساۋلىعىن ساقتاۋ, سالاۋاتتى ءومىر سالتىن ناسيحاتتاۋ» - «قازاقستان ساڭىراۋلار قوعامى» قب.
3. «قورشاعان ورتانى قورعاۋ» - «قازاقستاننىڭ ەكولوگيالىق قورى» قق.
4. «جاستار ساياساتى مەن بالالار باستامالارىن قولداۋ» - «بىرىڭعاي «جاس ۇلان» بالالار مەن جاسوسپىرىمدەر ۇيىمى» رقب.
5. «وتباسىلىق, دەموگرافيالىق جانە گەندەرلىك ماسەلەلەردى شەشۋ» - «اق-وتاۋ» وتباسى ورتالىعى.
6. «حالىقتىڭ الەۋمەتتىك وسال توپتارىن قولداۋ» - حالىقتىڭ الەۋمەتتىك وسال توپتارىن قولداۋ.
7. «جەتىم بالالارعا, تولىق ەمەس جانە كوپ بالالى وتباسىلاردان شىققان بالالارعا كومەك» - «قوعامدى اقپاراتتىق قولداۋ» جق.
8. «حالىقتى جۇمىسپەن قامتۋعا جاردەمدەسۋ» - «جەر-انا استانا» قب.
9. ازاماتتار مەن ۇيىمداردىڭ قۇقىقتارىن, زاڭدى مۇددەلەرىن قورعاۋ - «قازاقستان تۇتىنۋشىلاردىڭ قۇقىقتارىن قورعاۋ قوعامى» قب
10. مادەنيەت پەن ونەردىڭ دامۋى - «شق وبلىستىق كىتاپحاناشىلار قاۋىمداستىعى» قب
11. تاريحي-مادەني مۇرانى قورعاۋ - «ۇلتتىق ۆولونتەرلىك جەلى» قاۋىمداستىق تۇرىندەگى زتب
12. «قوعامدىق كەلىسىم مەن ۇلتتىق بىرلىكتى نىعايتۋ» - «اۋعان سوعىسى ارداگەرلەرى» وداعى
13. «پروباتسيا قىزمەتى ەسەبىندە تۇرعان ادامدارعا الەۋمەتتىك-قۇقىقتىق كومەك كورسەتۋگە جاردەمدەسۋ» - «قۇقىق» قق.
14. «مەملەكەتتىك قىزمەتتەردى كورسەتۋ ساپاسىنا قوعامدىق مونيتورينگ جۇرگىزۋ» - «پەرىشتە» قب.
15. ازاماتتىق قوعامدى دامىتۋعا, ونىڭ ىشىندە ۇكىمەتتىك ەمەس ۇيىمدار قىزمەتىنىڭ تيىمدىلىگىن ارتتىرۋعا جاردەمدەسۋ – «كامەدا» قق.
سىيلىقپەن ماراپاتتالعان تۇلعالارعا ءتيىستى نوميناتسيا بويىنشا «رەسپۋبليكالىق «تاڭداۋ» سىيلىعىنىڭ لاۋرەاتى» اتاعى, لاۋرەاتتىڭ اتاۋلى ديپلومى جانە ەستەلىك مۇسىنشە بەرىلدى.
ايتا كەتەيىك, «تاڭداۋ» بايقاۋىن قازاقستاننىڭ ازاماتتىق اليانسى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن ۇيىمداستىردى.
ۇەۇ-لار كەلەسى كريتەريلەر بويىنشا باعالاندى:
- ۇيىمنىڭ ۇكىمەتتىك ەمەس سەكتورداعى 10 جىلدان استام جۇمىس تاجىريبەسى;
- ماقساتتى توپتاردىڭ, ايماقتىڭ نە جالپى ەل ومىرىندەگى جۇمىس ناتيجەلەرىنىڭ ماڭىزدىلىعى جانە الەۋمەتتىك اسەرى;
- ءىس-شارالار مەن جۇزەگە اسىرىلاتىن جوبالاردىڭ الەۋمەتتىك ماڭىزدىلىعى;
- ءىس-ارەكەت تاجىريبەسى مەن ناتيجەلەر تارالىمى (مۋلتيپليكاتور ەففەكتىسى);
- ۇسىنىستار, قوعام مەن باق پىكىرى كونكۋرس كوميسسياسىنىڭ قۇرامىنا بىرقاتار قوعامدىق-ساياسي جەتەكشىلەر, ۇەۇ وكىلدەرى, پارلامەنت دەپۋتاتتارى, بيزنەس قۇرىلىمدار مەن مەملەكەتتىك ورگانداردىڭ, حالىقارالىق ۇيىمداردىڭ وكىلدەرى ەندى.
