CTS كولىك كومپانياسىنىڭ ءباسپاسوز قىزمەتى مالىمەتىنشە, جول اپاتى 26 قاراشادا ساعات 10.50-دە بايسەيىتوۆا كوشەسىنىڭ بويىندا شاقپاق ايالداماسى ماڭىندا بولعان.
«№20 باعىتتاعى اۆتوبۋس جۇرگىزۋشىسى ءرولدى باسقارا الماي, قارسى جولاققا شىعىپ كەتىپ, ناتيجەسىندە №39 باعىتتاعى اۆتوبۋسپەن سوقتىعىسقان.
وقيعا ورنىنا كەلگەن پوليتسيا قىزمەتكەرى №20 اۆتوبۋس جۇرگىزۋشىسىنە حاتتاما تولتىردى, ءىس ماتەريالدارى پروتسەسسۋالدىق شەشىم قابىلداۋ ءۇشىن انىقتاۋ بولىمىنە جىبەرىلەدى. جۇرگىزۋشى جول قوزعالىسى ەرەجەسىن بۇزۋ دەرەكتەرىن تىركەۋ جۋرنالىندا كورسەتىلمەگەن, جولاۋشىلار كولىگىن جۇرگىزۋ بويىنشا 5 جىلدىق تاجىريبەسى بار. رەيس الدىنداعى مەديتسينالىق تەكسەرۋدەن ءوتۋ ۋاقىتى - 6.00, جەلىگە شىعۋعا رۇقساتى بار», دەدى CTS وكىلى.
كومپانيا مالىمەتىنشە, 1961 جانە 1954 جىلى تۋعان ەكى جولاۋشى ايەل دەنە جاراقاتىمەن اۋرۋحاناعا جەتكىزىلگەن.
جۇرگىزۋشىلەردى اۆتوپارك باسشىلىعى جۇمىستان شەتتەتىپ, ءىس تارتىپتىك كەڭەسكە جىبەرىلەتىنى ايتىلدى.
