نۇر-سۇلتاندا قازاقاۋىل, اقبيداي شاعىن اۋداندارىندا, سونداي-اق قالانىڭ پوتانين كوشەسىنىڭ ەسكى بولىگىندە كوگىلدىر وتىندى ىسكە قوسۋ جۇمىستارى ءجۇرىپ جاتىر.
«قازىر نۇر-سۇلتاندا گازعا كوكتال-1, كوكتال-2, تەمىرجولشىلار, پرومىشلەننىي, اگروقالاشىق, وڭتۇستىك-شىعىس ەلدى مەكەندەرى, سونداي-اق, جەو-1 مەن جەو-2 ەكى جىلۋ ەلەكتر ورتالىعى قوسىلدى. 650 كم كۆارتالىشىلىك گازبەن جابدىقتاۋ جەلىلەرى سالىندى.
وسىلايشا, قازىر ەلوردانىڭ 11 مىڭ ءۇيى گازعا قوسىلۋعا قول جەتكىزە الادى. گازبەن جابدىقتاۋدىڭ ىشكى جەلىلەرىن دايىنداعان تۇتىنۋشىلار «قازترانسگاز ايماق» اق-عا وتىنىممەن جۇگىنۋى قاجەت.
جىل سوڭىنا دەيىن كۇيگەنجار, ميچۋرينو, ينتەرناتسيونالنىي ەلدى مەكەندەرى گازبەن قامتاماسىز ەتىلەدى», دەلىنگەن اكىمدىك حابارلاماسىندا.
ەستەرىڭىزگە سالا كەتەيىك, گازداندىرۋ – ەلباسىنىڭ اۋقىمدى جوباسى, ول قالا تۇرعىندارىنىڭ ءومىر ءسۇرۋ ساپاسىن ارتتىرىپ, قالا ەكولوگياسىن ايتارلىقتاي جاقسارتۋعا مۇمكىندىك بەرەدى. قالانى گازداندىرۋ ماسەلەسى مەملەكەت باسشىسىنىڭ باقىلاۋىندا.
