تۇركيانىڭ دەنساۋلىق ساقتاۋ ءمينيسترى فاحرەتتين كوجا Turkovac بويىنشا جۇمىس اياقتالۋعا جاقىن ەكەنىن ايتتى.
«مەن جاقسى جاڭالىقتى بولىسكىم كەلەدى: COVID-19-عا قارسى وتاندىق Turkovac ۆاكتسيناسى شۇعىل پايدالانۋعا رۇقسات الۋعا ءوتىنىش بەردى», دەدى كوجا.
ونىڭ ايتۋىنشا, مينيسترلىك تۇركيانىڭ ءدارى-دارمەك جانە مەديتسينالىق ماقساتتاعى بۇيىمدار جونىندەگى رەسمي اگەنتتىگىنە (TITCK) جۇگىنگەن. تۇركيا بيلىگى بۇل ۆاكتسينانى 2021 جىلدىڭ اياعىنا دەيىن كوروناۆيرۋسپەن كۇرەسۋ ءۇشىن بۇكىل الەمدە قولدانۋعا بولادى دەپ ۇمىتتەنەدى.
Turkovac ۆاكتسيناسىن ەردجياس ۋنيۆەرسيتەتىنىڭ عالىمدارى تۇركيا دەنساۋلىق ساقتاۋ مينيسترلىگىنە قاراستى تۇركيانىڭ دەنساۋلىق ساقتاۋ باسقارماسىمەن (TÜSEB) بىرلەسىپ جاساعان. كلينيكالىق سىناقتاردىڭ ءۇشىنشى كەزەڭى اياقتالۋعا جاقىن.
بۇعان دەيىن تۇركيا ءوز جوباسى بويىنشا كوروناۆيرۋسقا قارسى ۆاكتسيناسىنىڭ ءبىرىنشى جانە ەكىنشى فازاسىن سىناقتان ءساتتى وتكىزگەن بولاتىن. ءۇشىنشى كەزەڭ ءساتتى اياقتالسا, ۆاكتسينانى جاپپاي وندىرىسكە جانە پايدالانۋعا ەنگىزۋ جوسپارلانعان.
