ۇكىمەت • 25 قاراشا، 2021

باۋىرجان بايبەك ەلوردادا «Nur Otan» سايلاۋالدى باعدارلاماسىنىڭ ورىندالۋ بارىسىمەن تانىستى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك ەلوردادا «Nur Otan» پارتياسىنىڭ سايلاۋالدى ۋادەلەرىنىڭ ورىندالۋ بارىسىمەن تانىستى، دەپ جازادى Egemen.kz.

دانا مىرزاقادىر

ونىڭ ايتۋىنشا، ەلباسى، پارتيا ليدەرى نۇرسۇلتان نازارباەۆتىڭ تاپسىرماسى بويىنشا پارتيا ءار وبلىستا، قالادا جانە اۋداندا 217 جول كارتاسىنىڭ ىسكە اسىرىلۋىنا جۇيەلى باقىلاۋ جۇرگىزۋدە.

مەملەكەت باسشىسى قاسىم-جومارت توقاەۆ جاريا ەتكەن «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاما اياسىندا جىل باسىنان بەرى نۇر-سۇلتان قالاسىندا 20 مىڭنان استام تۇراقتى جۇمىس ورنى اشىلىپ، 7 دارىگەرلىك امبۋلاتوريا پايدالانۋعا بەرىلدى، 96 كوشە جوندەۋدەن ءوتتى جانە ت.ب. بۇل جۇمىستاردىڭ باسىم بولىگى قالا شەتىندە جۇرگىزىلدى.

«فيليال توراعاسى، قالا اكىمى التاي كولگىنوۆپەن بىرگە ء«وندىرىس» تۇرعىن الابىنداعى №23 مەكتەپتىڭ 600 ورىندىق جاڭا كورپۋسىن ارالادىم. 2019 جىلى ەل پرەزيدەنتى قاسىم-جومارت توقاەۆ بۇل اۋداندا حالىق تىعىز ورنالاسقانىندىقتان، اتالعان وقۋ ورنىن كەڭەيتۋدى تاپسىرعان ەدى. جاڭا كورپۋستىڭ قۇرىلىسى پارتيانىڭ قالالىق سايلاۋالدى باعدارلاماسىنا ەنگىزىلدى. جالپى، پارتيا ەلوردادا 2025 جىلعا دەيىن 60 مىڭ ورىنعا ارنالعان كەمىندە 50 جاڭا مەكتەپ سالۋ مىندەتىن قويىپ وتىر. بيىلدىڭ وزىندە 8 جاڭا مەكتەپ اشىلدى، تاعى 7 نىساننىڭ قۇرىلىسى اياقتالۋدا»، دەپ جازدى ول Facebook پاراقشاسىندا.

سونداي-اق، باۋىرجان بايبەك ء«وندىرىس» تۇرعىن الابىندا دەنە شىنىقتىرۋ-ساۋىقتىرۋ كەشەنىنە باردى. جىل سوڭىنا قاراي مۇندا كۇندەلىكتى 500-دەن استام ادام سامبو، كيكبوكسينگ، پاۋەرليفتينگ جانە باسقا دا سپورت تۇرلەرىمەن اينالىسا الادى. جالپى، پارتيانىڭ ۋادەلەرىنە سايكەس وسى جىلدىڭ وزىندە وڭىرلەردە 127 مىڭنان استام سەكتسيا اشىلىپ، 22 مىڭنان استام بالالار ۇيىرمەسىنىڭ جۇمىسى قايتا جانداندى.

سودان كەيىن پارتيا توراعاعاسىنىڭ ءبىرىنشى ورىنباسارى استاناداعى جەو-2-ءنى گازعا كوشىرۋ جۇمىستارىنىڭ بارىسىمەن تانىستى.

«ەلباسى «Nur Otan» ساياسي كەڭەسىنىڭ وتىرىسىندا ايتقانداي، ەكولوگيا ماسەلەلەرى ەلىمىز بەن بيلەۋشى پارتيا ءۇشىن نەگىزگى باسىمدىقتاردىڭ بىرىنە اينالۋى ءتيىس. بۇگىندە نىسان 95%-كە اياقتالدى. گازداندىرۋ ناتيجەسىندە ازوت جانە كومىرتەگى توتىقتارىنىڭ، پارنيكتىك گازداردىڭ شىعارىندىلارى ايتارلىقتاي ازايىپ، كومىر ك ۇلىنىڭ شىعارىندىلارى تولىعىمەن جويىلادى. ەلباسىنىڭ وڭىرلەردى گازداندىرۋ جونىندەگى «سارىارقا» جوباسى اياسىندا جىل باسىنان بەرى قالادا 10 مىڭنان استام ۇيگە گازبەن جابدىقتاۋ جەلىلەرىنە قولجەتىمدىلىك قامتاماسىز ەتىلدى»، دەدى ول.

وسى كۇنى باۋىرجان بايبەك قالالىق پارتيا اكتيۆىمەن بىرگە ەلوردا بويىنشا سايلاۋالدى باعدارلامانىڭ ىسكە اسىرىلۋ بارىسىن تالقىلادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز