رەسەي تجم اقپاراتى بويىنشا, شاحتادان 237 ادام ەۆاكۋاتسيالاندى. 45 ادام زارداپ شەكسە, 9 كەنشى كوز جۇمدى. ولاردىڭ دەنەلەرى شاحتادان ءالى شىعارىلعان جوق.
توتەنشە جاعداي 25 قاراشادا تاڭەرتەڭ بەلوۆوداعى گراموتەينسكي قالالىق تيپتەگى اۋىلدا بولدى. ول كەزدە جەر استىندا 285 ادام بولعان.
ىزدەستىرۋ-قۇتقارۋ وپەراتسياسى جالعاسۋدا. شاحتادان تاعى 48 ادام كوتەرىلمەدى, ولاردى ىزدەۋ ءۇشىن رەسەي تجم كۇشتەرى مەن قۇرالدارى جۇمىلدىرىلدى.
وقيعا ورنىندا پسيحولوگتار جۇمىس ىستەيدى.
وسىعان ۇقساس قايعىلى وقيعالار ءبىزدىڭ ەلىمىزدە دە ورىن العان ەدى. وسى جىلدىڭ 7 قاراشاسىندا «ارسەلورميتتال تەمىرتاۋ» اق «اباي» شاحتاسىندا كەنەتتەن جارىلىس بولدى. اپات سالدارىنان ەكى ادام زارداپ شەگىپ, التى شاحتەر قازا تاپتى.
