«جەدەل ءىس-شارالار جۇرگىزۋ بارىسىندا نۇر-سۇلتان قالاسى شىركەۋلەرىنىڭ بىرىنەن ۇرلىق جاسادى دەگەن كۇدىكپەن 33 جاستاعى ەر ادام ۇستالدى. اتالعان ۇرلىق فاكتىسى جايلى پوليتسياعا شىركەۋدىڭ قىزمەتكەرى حابار بەرگەن», دەلىنگەن دەپارتامەنت مالىمەتىندە.
ۆەدومستۆو اقپاراتىنا قاراعاندا, كۇدىكتى ساعات 13:00 شاماسىندا دوسىمەن بىرگە كۇيشى دينا كوشەسىندە ورنالاسقان شىركەۋگە جىلىنۋ سىلتاۋىمەن كىرگەن. سودان ۇستەلدىڭ ۇستىندە تۇرعان «سامسۋنگ» ماركالى ۇيالى تەلەفوندى ەشكىمگە بايقاتپاي ۇرلاپ كەتكەن. كەلتىرىلگەن شىعىن كولەمى 60 مىڭ تەڭگەنى قۇرايدى.
«ۇرى ءدال سول كۇنى تۇرعىلىقتى جەرىندە ۇستالىپ, قىلمىسىن مويىندادى. كۇدىكتىگە قاتىستى سوتقا دەيىنگى تەرگەۋ جۇرگىزىلىپ جاتىر. ونىڭ ەلوردا اۋماعىندا وسىعان ۇقساس بۇرىن جاسالعان قىلمىستارعا قاتىسى بار-جوعى تەكسەرىلۋدە», دەپ اتاپ ءوتتى دەپارتامەنتتەن.
بۇعان دەيىن ەلورداداعى سەرافيم عيماباداتحاناسىنىڭ بۇرىنعى كۇزەتشىسى سىبايلاسىمەن بىرگە قايىرىمدىلىق جاشىكتەرىن ۇرلاپ كەتكەنى تۋرالى حابارلانعان بولاتىن.
