وقيعا • 25 قاراشا، 2021

اتىراۋدا ءسابيىن ولتىرگەن ايەلگە قاتىستى سوت ۇكىمى شىقتى

11 رەت كورسەتىلدى

اتىراۋدا ءسابيىن بىرنەشە رەت پىشاقتاعان ايەل قىلمىستىق جاۋاپكەرشىلىكتەن بوساتىلدى، دەپ حابارلايدى Egemen.kz.

قىلمىستىق ءىس اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالدى. ايىپتالۋشىعا قر قىلمىستىق كودەكسىنىڭ 99-بابىنىڭ 3-بولىگىمەن 4 ايلىق قىزىن قاساقانا ءولتىردى دەگەن ايىپ تاعىلدى.

قىلمىستىق ءىس مەديتسينالىق سيپاتتاعى ماجبۇرلەۋ شارالارىن قولدانۋ ءۇشىن سوتقا بەرىلگەن ەدى. سوت تالقىلاۋى كەزىندە مىناداي جايت انىقتالعان. 41 جاستاعى ايەل 2020 جىلدىڭ جەلتوقسان ايىندا قىزىن ومىرگە اكەلگەن. بوسانۋ كەزىندە جانە ودان كەيىن اناسى مەن بالانىڭ دەنساۋلىعى قالىپتى، قاناعاتتانارلىق جاعدايدا بولعان.

2021 جىلدىڭ 26 ساۋىرىندە ۇيىندە ءوز قىزىمەن وڭاشادا قالعان. قاتتى جىلاعان قىزىن تىنىشتاندىرا الماعان اناسى اشۋ ۇستىندە اسحانا بولمەسىنەن قولىنا پىشاق العان. جىلاۋىن توقتاتپاعان قىزىنىڭ دارمەنسiز كۇيدە ەكەنiن بىلسە دە، ءوزىنىڭ قىلمىستىڭ نيەتىن جۇزەگە اسىرۋ ءۇشىن نارەستەگە دەنە جاراقاتىن سالعان.

«ساراپتاما قورىتىندىسىنا سايكەس، ا.ب. «پارانويدتى شيزوفرەنيا» سوزىلمالى پسيحيكالىق اۋرۋمەن اۋىرعان جانە قازىرگى كەزدە زارداپ شەگەدى. پسيحيكالىق اۋرۋى بالا بوسانعاننان كەيىن بولماعان. ساراپشىلار قىلمىس جاساعان ۋاقىتتا ول ءوزىنىڭ جاساعان ارەكەتىن تۇسىنبەگەنىن كورسەتىپ، ونى مامانداندىرىلعان پسيحياتريالىق ستاتسيوناردا ماجبۇرلەپ ەمدەۋدى ۇسىنعان. سوتتا ا.ب.-نىڭ كىناسى جابىرلەنۋشى جۇبايىنىڭ، كۋالاردىڭ جاۋاپتارىمەن، مۇردەنى قاراۋ حاتتاماسىمەن، ساراپتاما قورىتىندىلارىمەن، بەينەجازبالارمەن دالەلىن تاپتى.

سوت قاۋلىسىمەن ا.ب.-نىڭ ادام ءولتىرۋدى ەسى دۇرىس ەمەس جاعدايدا جاساعانى دالەلدەندى. الايدا، سوتپەن قولدانىلۋى مىندەتتى قر قىلمىستىق كودەكسىنىڭ 16-بابىنىڭ تالابىنا سايكەس قىلمىستىق جاۋاپتىلىقتان بوساتىلىپ، وعان قاتىستى مەديتسينالىق سيپاتتاعى ماجبۇرلەۋ شارالارى قولدانىلدى»، دەپ حابارلادى اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءباسپاسوز قىزمەتى.

سوت قاۋلىسى زاڭدى كۇشىنە ەنگەن جوق.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار