«كەيىنگى جىلدارى جۇرتتى جاپپاي ساۋداعا تارتۋدىڭ ءادىسى رەتىندە قولدانىلىپ جۇرگەن «قارا جۇما» ءسوزى قوعامدا تالقىعا تۇسۋدە. ءدىنىمىز بەن داستۇرىمىزدە بار «جۇما» ءسوزى قاسيەتتى, قاستەرلى ۇعىمدى بىلدىرەدى. مەن وسى رەتتە ەلىمىزدەگى ساۋدا ورتالىقتارىنىڭ يەلەرى مەن بارشا كاسىپكەر ازاماتتاردى «قارا جۇما» ءسوزىن «جومارت جۇما» دەپ وزگەرتۋگە شاقىرامىن», دەدى باس ءمۇفتي ۇندەۋىندە.
قازاقستان مۇسىلماندارى ءدىني باسقارماسىنىڭ توراعاسى «جومارت جۇما» – جۇرەككە جىلى تيەتىن, حالقىمىزدىڭ ۇعىمىنا دا ساي كەلەتىن ءسوز ەكەندىگىن ايتادى.
«مۇسىلمان قاۋىمى ءۇشىن جۇما قاسيەتتى كۇن بولعاندىقتان, «قارا جۇمانى» «جومارت جۇما» دەپ وزگەرتسەك, بۇل – يسلام ءدىنىن ۇستاناتىن حالقىمىزعا كورسەتىلگەن قۇرمەت بولماق. وسىلايشا, كاسىپكەر ازاماتتارىمىز ىزگى نيەتىنىڭ ناتيجەسىندە «جومارت جۇما» اكتسياسى اياسىندا قانشاما جاننىڭ العىسىنا بولەنەر ەدى», دەدى ناۋرىزباي قاجى تاعان ۇلى.
