ەلوردا • 25 قاراشا، 2021

وزىق مادەنيەتتىڭ ۇلگىسى

28 رەت كورسەتىلدى

ەلباسى كىتاپحاناسى مۋزەيىندە نۇر-سۇلتان قالاسى سۋرەتشىلەر وداعىنىڭ جاستار بىرلەستىگى مۇشەلەرىنىڭ «وزگەرىستەر كەزەڭى» اتتى كورمەسى اشىلدى. كورمە «تاۋەل­سىزدىكتىڭ مادەني نەگىزى» جوباسى اياسىندا ەل تاۋەل­سىز­دىگىنىڭ 30 جىلدىعىنا وراي ۇيىمداستىرىلىپ وتىر.

كورمەدە قازاقستاننىڭ قازىرگى زامانعى كوركەم جانە ساندىك-قولدانبالى ونەرىنە ءتان ۇردىستەردىڭ كەڭ سپەكترى ۇسىنىلدى. ءىس-شارانى اشقان مۋزەي قۇندىلىقتارىن ەسەپكە الۋ جانە ساقتاۋ قىزمەتىنىڭ باسشىسى كۇلايشا اقتاەۆا ەل­باسى كىتاپحاناسىنىڭ نۇر-سۇلتان قالاسى سۋرەتشىلەر ودا­عىمەن سەرىكتەستىگى جاس ۇر­پاقتىڭ شىعارماشىلىق تاجىريبەسىنە باسا كوڭىل بولى­نە­تىن ىنتىماقتاستىقتىڭ جاڭا كەزەڭىن اشاتىنىن اتاپ ءوتتى. «تۇڭعىش پرەزيدەنتىمىز نۇر­سۇلتان نازارباەۆ ەل گۇلدە­نۋىن­دەگى جاستاردىڭ ورنى مەن ماڭىزدىلىعىن ۇنەمى ايتاتىن. ۆەرنيساجدا ۇسىنىلعان تۋىندىلار ونەر الەمىنە ال­عاش­قى قادامىن باسقان جاس سۋ­رەتشىلەردىڭ ومىرگە، اي­نا­لاداعى قۇبىلىستارعا كوز­قاراسىن بەينەلەيدى. بۇل جۇمىستاردا شىعارماشىلىق ىز­دەنىستىڭ يننوۆاتسيالىق تاسىل­دەرى مەن اعا بۋىننان بە­رىلگەن كوركەمسۋرەت داستۇر­لەرى­نىڭ ساباقتاستىعى ادەمى ساقتالعان»، دەدى ق.اقتاەۆا.

«كورمە اياسىندا باتىس قا­زاق­ستان وبلىستىق قازاق دراما تەاترىنىڭ رەجيسسەرى گاۋحار ادايمەن شىعارماشىلىق كوللابوراتسيا قۇرىپ، ءتۇرلى ينس­تال­لياتسيا، پەرفورمانس قويدىق. وسى ورايدا كەلۋشىلەردىڭ رۋحاني ازىق الاتىنىنا سەنىمىمىز مول»، دەدى نۇر-سۇلتان قالا­سى جاستار بىرلەستىگىنىڭ ءتور­ايىمى، سۋرەتشى گۇلدانا جۇرقاباەۆا.

مەملەكەت باسشىسى قا­سىم-جومارت توقاەۆ: «وزىق ما­دەنيەتى بار ۇلتتىڭ رۋحى دا ءاردايىم بيىك بولماق»، دەگەن بولاتىن. بۇگىندە ەلباسى كىتاپحاناسىنىڭ الاڭىندا ال­عاش رەت شىعارماشىلىق ەركىندىكتى بويىنا سىڭىرگەن جاڭا ۇرپاقتىڭ جانرى مەن شىعارماشىلىق قىزى­عۋ­شى­­لىعى جاعىنان سان الۋان قى­رىق جۇمىسى ۇسىنىلدى. ايتا كەتەيىك، اتالعان كورمە 10 جەل­توقسانعا دەيىن جالعاسادى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار