ونەر • 24 قاراشا، 2021

مەيىرىم مۋزىكاسى

38 رەت كورسەتىلدى

ونىڭ جۇرەگىندە مۇحيت ۇيىقتاپ جاتقانداي. ونىڭ كەۋدەسىندە تەڭىز تەربەلىپ تۇرعانداي. ونىڭ ماڭدايىنا قۇس ۇيا سالعانداي. ونىڭ قاراشىعىنا گۇل ءونىپ شىققانداي. ونىڭ الاقانىنا اي ساجدە ەتكەندەي. ونىڭ يىعىنا تاۋ سۇيەنگەندەي. ونىڭ جاۋلىعىنا كۇن جاسىرىنعانداي. الەمنىڭ قاي بۇرىشىنان قاراساڭىزدا ودان بيىك شىڭ، ودان سۇلۋ جان جوق. ول – مەيىرىم مۋزىكاسى. ول – انا.

«سەندىك قۋات مىڭ ەسە ار­تىق جەردىڭ تارتۋ كۇشىنەن». شىركىن، ايبەرگەنوۆ «انا» دەگەن ۇعىمدى ءبىر تارماققا قالاي ادەمى سىيعىزىپ جىبەرگەن دەسە­ڭىزشى. قۇددى ءدال وسى كار­تي­ناعا قاراپ جازعانداي. مىناۋ دۋلى دۇنيەگە ىزگىلىك تا­مىزعان، مەيىرىم سەپكەن اسىل جانعا قانداي تەڭەۋ ارناسا ­دا جاراسادى عوي. سەبەبى ول – انا!

مىنە، تاعى دا ۇلاعاتتى ۇستاز ءارى تانىمال سۋرەتشى بو­ريس ميحايلوۆيچ نەمەنسكي شىعارماسىنا ءۇڭىلىپ وتىرمىز. قىلقالام شەبەرى 1922 جىلى ماسكەۋدە دۇنيەگە كەلگەن. 1942 جىلى مەكتەپتى بىتىرە سالىسىمەن مايدانعا اتتانادى. دەسە دە، ونەر يەسى قان مايداننىڭ ىشىندە ءجۇرىپ بىرنەشە كارتينا جازىپ ۇلگەرىپتى. سول شىعارمالاردىڭ ءبىرى – «انا». ءتىپتى، ونىڭ سيۋجەتى بويىنشا سوعىس تۋرالى ورىس اقىنى ليۋدميلا ۆەدەرنيكوۆا ولەڭ دە جازعان ەكەن.

«يديوت ۆوينا.

مەلكايۋت گودى، داتى...

ۆ يزبە سيديت، توسكۋيا

ۆ گورە، مات.

ك نەي نا نوچلەگ

پوستاۆلەنى سولداتى

ي دو ۋترا زدەس بۋدۋت

وتدىحات».

كارتيناعا نازار اۋدارساق، يىعىنا جۇقا ورامال جاپقان ايەل اينالاسىندا ۇيىقتاپ جاتقان ساربازداردى باقىلاپ وتىر. بالالارىنىڭ ۇيقىسىن كۇزەتكەن انا كەيپىندە. ال ولەڭگە سۇيەنسەك قالجىراعان ساربازدار تۇندە ايەلدىڭ ەسىگىن قاعادى. ونىڭ دا وسىنداي ۇل­دارى «تۋعان جەرىمىزدى جاۋ­دان قورعايمىز» دەپ الىستا ارىپ-اشىپ جۇرگەندىكتەن، ايەل ولاردى بىردەن باۋىرىنا باسادى. ابدەن شارشاعان ساربازداردى ىشكە كىرگىزىپ، ۇيدەگى بارىن بەرىپ، تاماقتاندىرادى. اعاش ەدەنگە جاتقىزعانىمەن سوڭعى جىلى كيىمدەرىن كورپە رەتىندە استىنا توسەيدى. ساربازدار ۇيقىعا باتقاندا، ايەل قۇدايعا تابىنىپ، ولاردىڭ ۇيلەرىنە امان-ەسەن ورالۋىن سۇرايدى.

سوعىس كەزىندە ادامدار ءبىر-بىرىنە قولىنان كەلگەنشە كومەكتەسكەنى انىق. ول ۋاقىتتا «بىرەۋدىڭ بالاسى» دەگەن ۇعىم بولعان جوق. سوندىقتان مۇن­داي وقيعا نەمەنسكيدىڭ ءوز باسىنان دا ءوتۋى مۇمكىن. نەگە دەسەڭىز، سۋرەتشى كارتيناداعى كەيىپكەرلەردىڭ سەزىمى مەن ەموتسيالارىن تولىق جەتكىزە العان. ايەل-انا شارشاعان جاۋىنگەرلەردى نازىكتىكپەن باقىلاپ، بالالارىن ەسكە الادى.

كارتينا سول ازاپتى جىل­داردىڭ ءۇمىتى مەن ۇرەيىنەن تۋعان تۋىن­دى. ارعى جاعىندا مەيى­­­رىم مۋزىكاسى ويناپ تۇر­عانداي، جۇرەكتى ەلجىرەتەدى.

سوڭعى جاڭالىقتار

11 ءوڭىر «جاسىل» ايماققا كوشتى

كوروناۆيرۋس • بۇگىن، 09:24

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار