ەكونوميكا • 24 قاراشا، 2021

بيىلعى 8 ايدا قازاقستان ەكسپورتى 16 پايىزعا ارتتى

171 رەت كورسەتىلدى

2021 جىلدىڭ 8 ايىنىڭ قورىتىندىسىندا قازاقستان ەكسپورتى 16 پايىزعا ارتتى. بۇل تۋرالى قر پارلامەنتى سەناتى توراعاسىنىڭ ورىنباسارى نۇرلان ءابدىروۆ ايتتى، دەپ حابارلايدى Egemen.kz.

ء«بىزدىڭ كەزدەسۋىمىزدىڭ تاقىرىبى ۇلتتىق ەكونوميكا ءۇشىن ماڭىزدى بولىپ تابىلاتىن وزەكتى سالالاردىڭ ءبىرىن قوزعايدى. ىشكى ساۋدانىڭ بەلسەندى ءوسۋىن قامتاماسىز ەتۋگە، بيزنەستى ەل ەكسپورتىنىڭ وسۋىنە باعدارلانعان جوعارى ساپالى ءونىم شىعارۋعا ىنتالاندىرۋعا نەگىزدەلگەن، دۇرىس جولعا قويىلعان ساۋدا ساياساتى كوپتەگەن ەلدەردىڭ ءتيىمدى ەكونوميكالىق دامۋىنىڭ كەپىلىنە اينالدى. مەملەكەت باسشىسى قازاقستاننىڭ ساۋدا-لوگيستيكالىق الەۋەتىن نىعايتۋ، وتاندىق ءونىمدى وتكىزەتىن نارىقتاردى كەڭەيتۋ جانە نارىقتى وتاندىق ونىممەن مولىقتىرۋ ءۇشىن جاعداي جاساۋ قاجەتتىگىن بىرنەشە رەت اتاپ ءوتتى. 2021 جىلعى 1 قىركۇيەكتەگى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا پرەزيدەنت ەكونوميكانى ءارتاراپتاندىرۋ، وندىرىلەتىن تاۋارلاردىڭ نومەنكلاتۋراسىن جانە ەكسپورتتىڭ گەوگرافياسىن كەڭەيتۋ جونىندە مىندەت قويدى»، دەدى ول سەناتتا ءوتىپ جاتقان ۇكىمەت ساعاتىندا.

نۇرلان ءابدىروۆتىڭ اتاپ وتۋىنشە، قازاقستان ەكونوميكاسىنىڭ قۇرىلىمىندا ساۋدا نەگىزگى سەكتورلاردىڭ ءبىرى بولىپ تابىلادى. ونىڭ ءجىو-دەگى ۇلەسى شامامەن 15 پايىزدى قۇرايدى. بۇل سالا شامامەن 1،5 ملن ادامدى جۇمىسپەن قامتاماسىز ەتەدى.

«كوروناۆيرۋستىق پاندەميا جاھاندىق ساۋدا بايلانىستارىن ەداۋىر السىرەتىپ، ەلىمىزدىڭ ساۋدا جۇيەسىنىڭ دامۋىنا اسەر ەتتى. سىرتقى ساۋدا اينالىمى 2019 جىلعا قاراعاندا 12 پايىزعا تومەندەپ، 2020 جىلى 86،5 ملرد اقش دوللارىن قۇرادى. بۇل رەتتە ەكسپورت 18، يمپورت 2 پايىزعا تومەندەدى. سونىمەن بىرگە، پاندەميا ساۋدا سەكتورى ءۇشىن جاڭا مۇمكىندىكتەر اشتى، ەلدەردىڭ اراسىنداعى شەكارانى جويا وتىرىپ، ساۋدانىڭ ءداستۇرلى فورماتتارىن بىرتىندەپ ىعىستىراتىن ونلاين-ساۋدانىڭ قارقىندى دامۋىنا تۇرتكى بولدى. ماسەلەن، 2020 جىلى قازاقستاندا ينتەرنەتتە ساتىپ الۋدىڭ جالپى كولەمى 960،8 ملرد تەڭگەنى قۇرادى. 2019 جىلمەن سالىستىرعاندا 2،2 ەسە ءوسىمدى كورسەتتى. بيىل تەرىس ۇردىستەرگە قاراماستان، قازاقستان سىرتقى ساۋداداعى وڭ ديناميكانى ساقتاپ قالدى. 2021 جىلدىڭ 8 ايىنىڭ قورىتىندىسى بويىنشا ەكسپورت 16 پايىزعا، يمپورت 2،2 پايىزعا ءوستى. قازاقستاننىڭ ىشكى ساۋدا كولەمى دە ارتتى. بولشەك ساۋدا 6، كوتەرمە ساۋدا 11 پايىزعا ارتتى»، دەدى سەنات توراعاسىنىڭ ورىنباسارى.

سوڭعى جاڭالىقتار

«نورۆەگ ورمانى» نەگە جازىلدى؟

ادەبيەت • بۇگىن، 22:30

ولكەتانۋشى

قازاقستان • بۇگىن، 22:21

كەبەنەك

تاريح • بۇگىن، 22:19

تۇركيا تىم ۇزاپ كەتتى

سپورت • بۇگىن، 22:12

ساۋكەلە

ونەر • بۇگىن، 21:57

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار