جۋرناليست دجوش كاتتسوۆيتس IBF جانە IBO نۇسقالارى بويىنشا ورتا سالماقتاعى الەم چەمپيونى گەننادي گولوۆكيننىڭ ەكىنشى ورتا ساناتتاعى ءابسوليۋتتى الەم چەمپيونى ساۋل «كانەلو» الۆارەسپەن ءۇشىنشى جەكپە-جەگى تۋرالى پىكىرىن ءبىلدى, دەپ جازادى Sports.kz.
كاتتسوۆيتس ءوزىنىڭ تۆيتتەرىندە گەننادي گولوۆكينمەن سويلەسىپ, ودان «كانەلومەن» جەكپە-جەك تۋرالى سۇراعانىن جازدى. سونداي-اق, جۋرناليست گولوۆكيننەن ەگەر ول «كانەلومەن» كۇرەسۋگە تاعى ءبىر مۇمكىندىك الماسا, ونىڭ مانسابىندا ولقىلىق بولادى دەپ ساناي ما دەپ سۇرادى.
«بۇل مەنىڭ مانسابىمدا ەشقانداي ولقىلىقتار قالدىرمايدى. مەن ءوزىمدى جايلى سەزىنەمىن. مەن ءۇشىن «كانەلوعا» قاتىستى ءبارى تۇسىنىكتى. ەگەر بۇل جەكپە-جەك جەتكىلىكتى قىزىعۋشىلىق تۋدىرسا جانە ءبارى قىزىعۋشىلىق تانىتقان كەزدە قايناۋ تەمپەراتۋراسىنا جەتسە, وندا ول وتەدى. مەن اشىقپىن جانە وعان دايىنمىن. ارينە, «كانەلونىڭ» نە ويلايتىنىن ەشكىم بىلمەيدى», دەپ جاۋاپ بەردى بوكسشى گەننادي گولوۆكين.
