بۇرىن وسى قيىلىستان تاۋلىگىنە 59 مىڭنان استام اۆتوكولىك وتەتىن بولسا, قازىرگى وتكىزۋ قابىلەتى 142 مىڭعا جەتتى.
قالاداعى ءىرى جوبالاردىڭ ءبىرى بولىپ تابىلاتىن نىسان قۇرىلىسى اياقتالىپ, كولىك قوزعالىسى بارلىق باعىتقا اشىلدى.
ەندىگى كەزەكتە ايماقتى اباتتاندىرۋ, جاياۋ جۇرگىنشىلەر جولىن سالۋ جۇمىستارى بار.
قالا اكىمى مۇرات ايتەنوۆ قۇرىلىسى اياقتالۋعا جاقىنداعان جولايىرىق قۇرىلىس جۇمىستارىن تەكسەرىپ شىقتى.
«بۇگىن جولايرىق قۇرىلىسى اياقتالىپ, بارلىق باعىتتى كولىك قوزعالىسىنا 100 پايىز اشىلىپ وتىر. بارشامىزعا قۇتتى بولسىن! بۇل باعىتتاعى ءىرى جوبالار جالعاسىن تابادى. كەزەكتە بايدىبەك بي - ارعىنبەكوۆ جولايىرىعىن سالۋ بار. ەندى جۇك وسى رىسقۇلوۆ كوشەسىنە تۇسەدى. كەپتەلىس-ءار مەگاپوليستىڭ باستى ماسەلەسى. ماقساتىمىز ونى بارىنشا جەڭىلدەتۋ. قالا تۇرعىندارىن تۇسىنىستىكپەن قاراۋعا شاقىرامىن», دەدى قالا اكىمى.
ايتا كەتەيىك, بۇل مەگا جوبا قۇجاتتاما بويىنشا ەكى جىلعا جوسپارلانعان. قالا ورتالىعىنداعى ىڭعايسىزدىقتاردى ەرتەرەك جويۋ ماقساتى مەن قارقىندى قۇرىلىس جۇمىستارى ناتيجەسىندە وسى جىلى اياقتالدى.
