«پاندەميا ەلەكتروندى ساۋدانى دامىتۋدىڭ درايۆەرىنە اينالدى. ماسەلە الداۋ شارالارىنىڭ الەۋمەتتىك جەلىلەردە دامىعاندىعىندا – اككاۋنتتى تەگىن اشۋ, انونيمدىلىك, قانداي دا ءبىر تىركەۋدىڭ بولماۋى, سۋبەكتىنىڭ ورنالاسقان جەرىن بەلگىلەۋدىڭ مۇمكىن ەمەستىگى جانە وسىعان بايلانىستى ەكونوميكانىڭ وسى ءبىر كولەڭكەلى ءتۇرىن تومەندەتۋگە قاتىستى الەۋمەتتىك جەلىلەردە ساتۋشىلاردىڭ ءتىزىمىن ەنگىزۋ تۇرىندە قۇقىقتىق شارالار قابىلداۋ قاجەت دەپ سانايمىز. تۇتىنۋشى ساتۋشىنىڭ eGov-تاعى رەەسترى ارقىلى, ونىڭ كىم ەكەنىن رەپۋتاتسياسى قانداي ەكەنىن كورە الادى. بۇل دا تۇتىنۋشىنىڭ قۇقىعىن قورعاۋعا كومەكتەسەدى دەن سەنەمىز», دەدى پالاتانىڭ باسقارما توراعاسى.
ونىڭ ايتۋىنشا, الەۋمەتتىك جەلى ارقىلى ساتىلعان تاۋاردى قايتارىپ بەرۋ, ولاردىڭ ساپاسى تۋرالى ماسەلەلەر زاڭدا ناقتىلانۋى كەرەك.
«زاڭ جۇزىندە ونلاين پلاتفورمالار مەن ينتەرنەت-دۇكەندەردىڭ تۇتىنۋشىلارىنا قاتىستى قۇقىقتاردى قورعاۋ جان-جاقتى رەتتەلگەن. الايدا الەۋمەتتىك جەلىلەردە تۇتىنۋشىلاردىڭ قۇقىقتارىن رەتتەۋ مەن قورعاۋدا ۇلكەن الشاقتىق بار. تۇتىنۋشىلار ينتەرنەت ارقىلى, اتاپ ايتقاندا, الەۋمەتتىك جەلىلەردە تاۋارلاردى تولەۋ كەزىندە الداۋعا ءجيى تاپ بولادى.
ەلەكتروندىق ساۋدادا تۇتىنۋشىلاردىڭ قۇقىقتارىن پارمەندى قورعاۋ ءۇشىن ازاماتتىق قوعام مەملەكەتتىك پورتالداردا, الەۋمەتتىك جەلىلەردە ساتۋشىلاردى ەرىكتى تىركەۋدى ەنگىزۋدى ۇسىنىپ ءجۇر. ساتۋشى ءوزىنىڭ سايكەستەندىرۋ ءنومىرىن الەۋمەتتىك جەلى بەتىندە كورسەتۋى كەرەك. ونى ساتىپ الۋشى بەلگىلى ءبىر مەملەكەتتىك پورتالدا تەكسەرە الۋى شارت», دەدى ابىلاي مىرزاحمەتوۆ.
